ABŞ Dövlət Departamenti 2018-ci ildə Uhan şəhərində heyvanlarda koronavirus infeksiyalarını araşdıran laboratoriyanın təhlükəsizliyinin zəif təşkil edilməsi səbəbi ilə SARS-a bənzər yeni bir infeksiyanın yayılmasına şərait yaradacağı ilə bağlı Çinə xəbərdarlıq edib.
Milli.Az teleqraf.com-a istinadən xəbər verir ki, bu barədə ABŞ mediasında məlumat yayılıb.
Məlumatda sözügedən laboratoriyanın təhlükəli bir infeksiyanın yayılmasında ciddi rol oynaya biləcəyi ilə bağlı detalların Çin hökumətinə təqdim edildiyi bildirilib.
2018-ci ildə bu məqsədlə ABŞ-ın Uhandakı baş konsulu Cemson Faus və Pekindəki səfirliyin rəsmi nümayəndəsi Rik Svitzerin həmin laboratoriyada olduğu bildirilib.
Məlumatda amerikalı heyətin laboratoriyanın təhlükəsizliyini artırmaq məqsədilə Pekinə verilən təkliflərdən ibarət 2 dosyenin Vaşinqtona geri qaytarıldığına diqqət çəkilib.
Başqa bir gizli dosyedə isə Uhandakı Virusologiya İnstitutunun laboratoriyasında peşəkar mütəxəssis çatışmazlığının və orada çalışanların əksəriyyətinin qeyri-peşəkar olduğu, bunun da yeni bir infeksiyanın yayılmasına zəmin yaratdığı da Çin hökumətinin diqqətinə çatdırılıb.
Çin hökuməti isə Vaşinqtonun iradları ilə razılaşmayıb.
Milli.Az