Gəncə, 26 may, AZƏRTAC
Gəncə Avro-Atlantik Məlumat Mərkəzi fiziki məhdudiyyətli, o cümlədən evdə təhsil alan uşaqların cəmiyyətə inteqrasiyasını gücləndirmək, onların təcrid olunmasının aradan qaldırılması istiqamətində innovativ imkanların yaradılmasını nəzərdə tutan yeni layihənin icrasına başlayıb.
AZƏRTAC xəbər verir ki, layihənin məqsədi fiziki məhdudiyyətli uşaqların kompyuterlə təmin edilməsi və bu sahədə biliklərinin artırılması, internet resurslarının imkanlarından istifadə etməklə onlara cəmiyyətə çıxış imkanı yaratmaqdır. Uşaqlarda özünəinam hissinin formalaşdırılması, onların intellektual və yaradıcı potensialının gücləndirilməsi məqsədilə keçiriləcək seminar və məsləhətləşmələrdə valideynlərin də iştirakı nəzərdə tutulub.
