"Barselona"nın futbolçusu Luis Suares "Atletiko Madrid"ə transfer edilib.
Metbuat.az xəbər verir ki, bu barədə "Barselona" rəsmi məlumat yayıb. Məlumata görə, "Atletiko Madrid" 33 yaşlı hücumçu üçün Kataloniya klubuna 6 milyon avro ödəyəcək. Məbləğ uruqvaylı futbolçunun oyunundan asılı olaraq, artırıla biləcək.
Qeyd edək ki, Luis Suares 2014-cü ildən "Barselona"da oynayırdı. O, burada ümumilikdə 283 matçda 198 qol vurub.
Mənbə: Ntvspor
