Rusiyanın bütün regionlarına koronavirus əleyhinə peyvənd preparatları çatdırılıb.
Metbuat.az xəbər verir ki, bu barədə Rusiyanın səhiyyə naziri Mixail Muraşko məlumat verib. Onun sözlərinə görə, 2 229 təşkilat əhalinin koronavirusa qarşı peyvənd edilməsində iştirak edəcək. Ölkə üzrə 90-dan çox təşkilat peyvənd preparatının qəbulu və paylanması ilə məşğuldur.
Nazir bildirib ki, 28,5 nəfər artıq peyvənd olunub.
Xatırladaq ki, Rusiyada COVID-19 qarşı “Sputnik-V” və “EpiVakKorona” peyvəndləri işlənib hazırlanıb.