"Maşın" realiti-şouda qələbənin bir addımlığında oyunu tərk edən Samir Cavadzadə avtomobildən də dəyərli hədiyyə qazandı.

ANS PRESS-in məlumatına görə, Murad Dadaşovun rəhbərlik etdiyi MGP - M Qrup Prodakşn şirkəti ifaçı ilə 5 illik müqavilə imzalayıb.

Tərəflər arasında başlanmış müqaviləyə əsasən növbəti 5 il ərzində müğənninin iştirakı ilə bir çox layihələr həyata keçiriləcək.

Şirkət Samir Cavadzadənin konsertlərini təşkil edəcək, musiqi albomlarını buraxacaq və digər yaradıcı layihələrə imza atacaq.

Samir Cavadzadə "Maşın"dan da dəyərli hədiyyə qazandı (FOTO)

Murad Dadaşov 2010-cu ildə analoji addımı dünyasını dəyişmiş Hüseyn Dərya ilə də atmışdı. Onun rəhbərlik etdiyi MGP o vaxtlar ulduzu sönmüş repçinin konsertini təşkil etmişdi. Hüseyn Dərya bu könsertilə yenidən gündəmi zəbt etməyi və əvvəlki populyarlığına geri dönməyi bacarmışdı.