Bu gün UEFA Çempionlar Liqasında 1/4 final mərhələsinə yekun vurulacaq.
Metbuat.az xəbər verir ki, , bununla da yarımfinalın bütün iştirakçıları bəlli olacaq.
İngiltərə təmsilçilərindən "Liverpul" cavab oyununu evdə, "Mançester Siti" isə səfərdə keçirəcək. Mersisaydlılar ilk matçda Portuqaliyada 3:1 hesabı ilə qalib gəldiyi "Benfika"nı qəbul edəcək.
"Mançester Siti" isə İspaniyada Madrid "Atletiko"sunun qonağı olacaq. "Şəhərlilər" evdəki ilk görüşdə minimal hesablı qələbə qazanıb.
Çempionlar Liqası, 1/4 final
Cavab oyunları
13 aprel
23:00. "Liverpul" (İngiltərə) - "Benfika" (Portuqaliya)
Baş hakim: Serdar Gözübüyük (Niderland)
İlk oyun - 3:1
23:00. "Atletiko" Madrid (İspaniya) - "Mançester Siti" (İngiltərə)
Baş hakim: Daniel Zibert (Almaniya)
İlk oyun - 0:1
Qeyd edək ki, yarımfinalda "Liverpul" - "Benfika" cütünün qalibi İspaniya "Vilyarreal" ilə, "Atletiko" (Madrid) - "Mançester Siti" görüşünün güclüsü isə İspaniya "Real Madrid"i ilə qarşılaşacaq.
