Sabiq baş prokuror Əli Ömərov insult keçirib.
Metbuat.az xəbər verir ki, bu barədə Globalinfo.az-a o özü məlumat verib.
“Həkimlər deyir, bir müddət stressdən, həyəcandan uzaq olum. Əsas da mətbuata danışmamaq tövsiyə edilir. İnsult keçirmişəm, ona görə də danışa bilmirəm. Həkimlər icazə vermir”, – o bildirib.
Xatırladaq ki, Əli Ömərov 1993-94-cü illərdə respublikanın baş prokuroru vəzifəsində çalışıb. Onun istefa verməsinə səbəb OMON-un rəhbəri Rövşən Cavadovun qardaşı, Xətai rayonunun sabiq prokuroru Mahir Cavadovla konflikt olub. Belə ki, 1994-cü ilin oktyabr ayında M.Cavadov baş prokurorluğun binasına avtomatla hücum edərək Ə.Ömərovu döyüb. Bundan sonra ölkədə yaşanan siyasi böhran fonunda Ə.Ömərov istefa verməli olub.
