Ukrayna qoşunları Donetsk vilayətinin Avdiyivka şəhəri yaxınlığındakı Opitne kəndinin bəzi məntəqələrini işğaldan azad edib.
Metbuat.az xəbər verir ki, bu barədə Ukrayna müdafiə nazirinin müavini Anna Malyar açıqlama verib. O bildirib ki, Ukrayna ordusunun Avdiyivka istiqamətində uğur qazandığını bildirib. Malyar bildirib ki, Ukrayna əsgərləri Donetsk vilayətinin Novomayorske yaxınlığında da qismən uğur qazanıb və tutduqları mövqeləri gücləndiriblər. Malyar Baxmut istiqamətində daha 2 kvadrat kilometr ərazinin işğaldan azad edildiyini bildirərək, bu istiqamətdə indiyə qədər azad edilən ümumi ərazinin 49 kvadrat kilometr olduğunu qeyd edib.
