Türkiyənin Milli Müdafiə Nazirliyi İraqın şimalında həyata keçirilən antiterror əməliyyatları barədə məlumat paylaşıb.
Metbuat.az xəbər verir ki, məlumatda deyilir ki, pilotsuz uçuş aparatlarının və tanker təyyarələrinin iştirak etdiyi hava əməliyyatında 3 fərqli bazadan havaya qalxan döyüş təyyarələri ilə İraqın şimalında sərhəddən 140 kilometr məsafədə terror hədəfləri eyni vaxta bombalanıb. Metina, Qara, Hakurk, Qəndil və Asos bölgələrində terror təşkilatına aid 16 hədəf məhv edilib.
Açıqlamada qeyd edilir ki, istər planlaşdırma, istərsə də icra mərhələsində çox həssaslıqla həyata keçirilən keçirilən əməliyyatla qərargah deyilən sığınacaqlar, bunkerlər, mağaralar, tunellər, silah-sursat anbarları və hədəflər məhv edilib.
