ABŞ administrasiyası Hizbullahla müharibəyə başlamaması üçün İsrailə təzyiq edir.
Metbuat.az xəbər verir ki, ABŞ müharibənin başqa ölkələrə keçməsini istəmir. “Times of İsrael” qəzeti adı açıqlanmayan iki məmura istinadən xəbər verir ki, Ağ Ev müharibənin blokada altındakı Qəzza zolağından kənara çıxmasının qarşısını almaq üçün səy göstərir. Qəzetə danışan rəsmilər bildiriblər ki, ABŞ özəl və açıq şəkildə Hizbullah və İrana İsrailin şimal cəbhəsində müharibə başlamaması üçün xəbərdarlıq edib.
Rəsmilərin sözlərinə görə, ABŞ İsrailə Hizbullahın hücumlarına cavab verərkən diqqətli olması barədə də xəbərdarlıq edib. Xəbərdə deyilir ki, Ağ Ev rəsmiləri Təl-Əvivə Hizbullahın İsrailə qarşı müharibəyə başlayacağı təqdirdə ABŞ ordusunun İsrail ordusuna dəstək verəcəyini bəyan edib.
