İsveçrə Rusiyanın 7,7 milyard İsveçrə frankı (8,8 milyard ABŞ dolları) dəyərində aktivlərini dondurub.
Metbuat.az xəbər verir ki, bu barədə “Reuters” məlumat yayıb.
Bildirilib ki, söhbət 2022-ci illə müqayisədə bir qədər artırılmış ilkin rəqəmlərdən gedir.
2022-ci ilin dekabrında bu ölkənin hakimiyyəti Avropa İttifaqının (Aİ) Rusiyaya qarşı sanksiyalarına qoşulduqdan sonra Rusiyanın 7,5 milyard İsveçrə frankı (8,4 milyard dollar) məbləğində aktivlərinin dondurulduğunu bildirib.
İsveçrənin İqtisadi Məsələlər üzrə Dövlət Katibliyi (SECO) qeyd edib ki, məhkəmə proseslərinə görə dəqiq rəqəm söyləmək çətindir.
