Qəzzada son sutka ərzində 107 fələstinli həlak olub, 165-i yaralanıb.
Metbuat.az xəbər verir ki, bu barədə Qəzzadakı səhiyyə qurumu məlumat yayıb.
Bildirilib ki, Qəzza zolağında ümumilikdə 27238 fələstinli həlak olub, 66452-si yaralanıb.
Xatırladaq ki, ötən ilin oktyabrın 7-də HAMAS-ın İsrailin cənubuna gözlənilməz hücumu nəticəsində 1200-dən çox israilli qətlə yetirilib, 240-dan çox israilli girov götürülüb. Bundan sonra İsrail hərbi qüvvələri HAMAS-a qarşı Qəzzada hərbi əməliyyata başlayıb.
