Astroloqların fikrincə, bəzi bürclər pul qazanmaqda digərlərinə nisbətən daha bacarıqlı olurlar.
Metbuat.az xarici mediaya istinadən bildirir ki, astrologiyada Oğlaq, Şir və Əqrəb bürcləri maliyyə məsələlərində daha uğurlu hesab edilirlər.
Bu üç bürc digərlərindən ona görə fərqlənir ki, onlar fərqli situasiyalardan "baş çıxara" bilirlər. Bu da onlara iş həyatında hər vəziyyətdə uğurlu olmağa kömək edir. Risk etmə qabiliyyəti və insanlarla sağlam ünsiyyət qurma bacarıqları sayəsində qurduqları işi inkişaf etdirə, istedadlarını pula çevirə bilirlər.
Oğlaq bürcündə anadan olan insanların analiz qabiliyyəti güclüdür. Onlar pulu haradan və necə qazana biləcəklərini öncədən planlamağı yaxşı bacarırlar.
Şir bürcü altında doğulanların pul qazanmaq üçün motivasiyaları həmişə yüksək səviyyədədir - bu da onları rəqiblərindən bir addım önə çıxarır. Onlar çox az halda yoxsul olurlar.
Əqrəblər maliyyə məsələlərində həmişə uğurlu olublar. Yetər ki, düşdükləri situasiya psixoloji cəhətdən onları sıxmasın. Pul saxlamağı da ən azı qazanmaq qədər yaxşı bilirlər.
