“Prezidentin helikopterinin qəzaya uğraması ilə bağlı faciədə ABŞ günahkardır”.
Metbuat.az xəbər verir ki, bu sözləri İran Xarici İşlər Nazirliyinin sabiq rəhbəri Məhəmməd Cavad Zərif deyib.
O yerli mediaya bildirib ki, Beynəlxalq Ədalət Məhkəməsinin qərarına baxmayaraq, Birləşmiş Ştatlar İrana təyyarə, helikopter və ehtiyat hissələrinin satışını qadağan edib.
"Bu hadisə ABŞ-ın İrana qarşı cinayətləri siyahısına daxil ediləcək", - deyə Zərif əlavə edib.
