Azərbaycan cüdoçusu Elcan Hacıyev Fransanın paytaxtı Parisdə keçirilən Yay Olimpiya Oyunlarının 1/8 final görüşü zamanı ciddi zədə alıb.
Metbuat.az bildirir ki, 90 kq çəki dərəcəsində yer alan idmançının fransalı Nqayap Hambuya uduzduğu qarşılaşmada çiyni çıxıb.
Hacıyev xəstəxanaya aparılıb.
Qeyd edək ki, Elcan 1/16 finalda Türkiyə idmançısı Mixael Zqanka qalib gəlib. Paris-2024 avqustun 11-də başa çatacaq.
***
Olimpiadaya 1/16 finaldan başlayan cüdoçumuz Elcan Hacıyev 1/8 final oyununa çıxıb.
Metbuat.az xəbər verir ki, 90 kq çəki dərəcəsində çıxış edən idmançımız 1/8 finalda fransalı rəqibi Nqayap Hambu üz-üzə gəlib.
Rəqibinə məğlub olan Hacıyev mübarizəni dayandırıb.
***
Olimpiadaya 1/16 finaldan başlayan cüdoçumuz Elcan Hacıyev 1/8 finala yüksəlib.
Metbuat.az xəbər verir ki, 90 kq çəki dərəcəsində çıxış edən idmançımız Türkiyə təmsilçisi Mixael Zqankla qarşılaşıb.
Rəqibinə qalib gələn Hacıyev 1/8 finala yüksəlib.
Qeyd edək ki, Azərbaycan cüdoçularından Hidayət Heydərov (73 kq) qızıl medal əldə edib.
