İsrail ordusunun Qəzzada apardığı irimiqyaslı əməliyyatlar zamanı son bir ildə 10 mindən çox əsgər yaralanıb.
Metbuat.az xəbər verir ki, bu barədə İsrail mediası məlumat yayıb. “Yediot Ahronot” qəzeti əsgər itkiləri ilə bağlı Müdafiə Nazirliyi və ordunun məlumatlarını paylaşıb. Xəbərdə deyilir ki, ordunun məlumatlarına görə, Qəzzada 758-i ağır olmaqla 5 min 87 əsgərin yaralanıb. Lakin İsrailin daxili kəşfiyyat təşkilatı Şin-Bet və ehtiyatda olan əsgərlərin daxil olduğu Müdafiə Nazirliyinin Reabilitasiya İdarəsinin məlumatlarına görə, bu rəqəm 10 mini keçib.
İsrail ordusu ilə Müdafiə Nazirliyi arasındakı məlumat fərqinin səbəbi qeyd olunmayıb.
