Odessa milisinin yeni rəisi Lortkipanidzedən gözlənilməz əmr

Odessa milisinin yeni rəisi Lortkipanidzedən gözlənilməz əmr
03:49 20 İyun 2015
75 Dünya
Ölkə mətbuatı
A- A+

Ukrayna Daxili İşlər Nazirliyinin Odessa vilayəti üzrə Baş İdarəsinin rəisi Georgi Lortkipanidze Odessanın girişində quraşdırılan bütün blok-postların ləğv olunmasına dair göstəriş verib. APA-nın “TASS”a istinadən verdiyi xəbərə görə, vilayət milisinin mətbuat xidmətinin məlumatına əsasən, blok-postlar artıq iyunun 18-i axşam saatlarından ləğv olunub.

 

“Hazırda total korrupsiya müşahidə olunmaqdadır, küçələrdə silahlı milis işçilərinin və şəhərin girişində blok-postların olması vətəndaşlarda narahatlıq hissi yaradır. Sakinlər milisdən qorxmamalı, əksinə onlara etibar etməli və qanuna hörmət bəsləməlidir. Bu səbəbdən də mənim əsas tələblərimdən biri blok-postları ləğv etmək və avtomat silahları təhvil verməkdir”, deyə Lortkipanidze qərarını şərh edib.    

 

Qeyd edək ki, Gürcüstanın sabiq DİN rəhbərinin müavini Georgi Lortkipanidze iyunun 16-da Ukrayna Daxili İşlər Nazirliyinin Odessa vilayəti üzrə Baş İdarəsinin rəisi təyin olunub. 


Xəbərin orijinal ünvanı: http://news.lent.az/news/206418

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR