[ 23 Yanvar 2015 10:10 ]
Bakı. Yeganə Laçınzadə - APA-Economics. Davos Dünya İqtisadi Forumu çərçivəsində Rusiya “Sberbank”ı və “Azərbaycan Beynəlxalq Bank”ı (ABB) arasında qarşılıqlı anlaşma və əməkdaşlıq haqqında memorandum imzalanıb.
“APA-Economics”in məlumatına görə, sənədi “Sberbank”ın İdarə heyətinin sədri, prezident German Qref və ABB-nin İdarə Heyətinin sədri Cahangir Hacıyev imzalayıb.
Sənəddə qeyd olunan əməkdaşlıq sahələri arasında investisiya layihələrinin birgə maliyyələşdirilməsində iştirak, Rusiya, Azərbaycan və tərəflərin törəmə cəmiyyətlərinin və filiallarının olduğu 3-cü ölkələrdə ticarətin maliyyələşdirilməsinin təşkili, maliyyə bazarlarında əməkdaşlıq sahələri yer alır.
