Bakının Səbail rayonunda yol qəzası baş verib. APA TV-nin məlumatına görə, hadisə Bayıl qəsəbəsində qeydə alınıb. Qəza zamanı Rusiya vətəndaşı İsaməhəmməd Hacıömərovun idarə etdiyi "KamAZ" markalı qoşqulu yük maşını ilə Elşən Muxtarovun idarə etdiyi "Mercedes" markalı minik maşınını toqquşub. Toqquşmadan sonra "KamAZ" yolun solundakı evlərdən birinin darvazasına çırpılıb.
Hadisə nəticəsində ciddi xəsarət alan olmasa da, maşınlara ciddi ziyan dəyib. Yol qəzasının dəqiq baş verməsi səbəblərinə aparılan polis araşdırmaları aydınlıq gətirəcək. Artıq sürücülərin ifadəsi də alınıb. 
