Şəhid əsgərin medalı ailəsinə təqdim olundu - FOTO

Şəhid əsgərin medalı ailəsinə təqdim olundu - FOTO
22:17 24 Yanvar 2015
104 Sosial
Ölkə mətbuatı
A- A+

Milli Ordunun şəhid əsgəri Rüstəm Əzizovun Azərbaycan prezidenti adından müdafiə naziri Zakir Həsənovun əmri ilə ölümündən sonra təltif edildiyi “Hərbi xidmətdə fərqlənməyə görə” 3-cü dərəcəli medalı bu gün ailə üzvlərinə təqdim edilib.
 
Milli.Az APA-ya istinadən bildirir ki, bu münasibətlə şəhidin doğulduğu Astara rayonunun Pəlikeş kəndində medalın təqdimolunma mərasimi keçirilib. Mərasimdə Müdafiə Nazirliyinin nümayəndəsi, polkovnik Abdulla Qurbani, rayonun icra strukturlarının nümayəndələri, hərbi qulluqçular, həmçinin kənd sakinləri iştirak ediblər.
 
Tədbirdə çıxış edənlər Vətən torpaqları uğrunda şəhid olmuş Rüstəm Əzizovun daim xatirələrdə yaşayacağını, onun qısa, lakin mənalı ömür yolunun gələcək nəsillərə örnək olacağını bildiriblər. Daha sonra şəhidin layiq görüldüyü medal onun valideynlərinə təqdim olunub.
 
Qeyd edək ki, 2014-cü il noyabrın 20-də saat 12.45 radələrində Ermənistan Silahlı Qüvvələrinin atəşkəsi pozması nəticəsində cəbhənin Ağdam bölgəsindəki N saylı hərbi hissədə xidmət edən Azərbaycan Ordusunun əsgəri, 19 yaşlı Rüstəm İzzət oğlu Əzizov döyüş postunda olarkən düşmən gülləsindən şəhid olub.
 
Milli.Az
Böyütmək üçün şəkillərə klikləyin




 






RƏYLƏR

BU KATEQORİYADAN DİGƏR XƏBƏRLƏR