Biləsuvar rayonu Təzəkənd kəndindəki orta məktəbdə yanğın baş verib. ANS PRESS-in FHN-nin saytına istinadən verdiyi məlumata görə, kənd ərazisindəki ümumi sahəsi 1561 kv. m olan 1 mərtəbəli 18 sinifdən ibarət olan orta məktəbin sahəsi 15 kv.m olan direktor otağının yanar konstruksiyaları yanıb. Məktəbin qalan hissəsi yanğından mühafizə olunub.

Yanğın saat 21:20-də yanğınsöndürənlər tərəfindən söndürülüb.

Ağstafa rayonunda isə toxuculuq sexində yanğın baş verib. Rayon mərkəzində ümumi sahəsi 1000 kv. m olan hal-hazırda fəaliyyət göstərməyən toxuculuq sexinin içərisində 1 ədəd istismara yararsız dəzgahın yanar hissələri yanıb. Sex və digər dəzgahlar yanğından mühafizə olunub.

Yanğın saat 21:35-də yanğınsöndürənlər tərəfindən söndürülüb.