Bakı, 29 yanvar, AzərTAc
Ölkəmizin neft-qaz sənayesində əhəmiyyətli rola malik “Günəşli” yatağındakı 14-cü dərin dəniz özülündən 256 nömrəli quyu əsaslı təmirdən sonra istismara verilib.
ARDNŞ-in mətbuat xidmətindən AzərTAc-a bildirilib ki, quyu Balaxanı Lay Dəstəsinin 9-cu horizontundan fontan üsulu ilə məhsul verib. Həmçinin 2683-2640 metr intervaldan gündəlik 50 ton neft və 40 000 kubmetr qaz hasilatı ilə istismara daxil edilib.
Quyuda istismar işləri “28 May” NQÇİ tərəfindən həyata keçirilir.