Ötən gün Bakının qadınlardan ibarət "Lokomotiv" voleybol klubu Çempionlar Liqasında ilk oyununa çıxıb.
Milli.Az-ın "Report"a istinadən verdiyi məlumata görə, "dəmiryolçular" Rusiyada "Dinamo" (Kazan) kollektivinin qonağı olublar.
Qarşılaşma Rusiya təmsilçisinin 3:1 hesablı qələbəsi ilə başa çatıb.
Çempionlar Liqasının A qrupunda mübarizə aparan digər təmsilçimiz ilk matçında Almaniyanın "Alyants Ştutqart" klubu ilə qarşılaşıb. Komandamız ilk görüşündə Almaniya təmsilçisindən üstün olub - 3:0.
Qeyd edək ki, A qrupunda "Lokomotiv", "Azərreyl" (hər ikisi Azərbaycan), "Dinamo Kazan" (Rusiya) və Almaniyanın "Alyants Ştutqart" komandaları mübarizə aparır.
Milli.Az
