Bakı. 28 noyabr. REPORT.AZ/ Gələn ay Bakıda italyan şirkətlərinin təqdimat mərasimi keçiriləcək. "Report"un Azərbaycanda İxracın və İnvestisiyaların Təşviqi Fonduna(AZPROMO) istinadən verdiyi xəbərə görə, "Italy for Contract - TOP DESIGN, THE SECRETS OF ITALIAN BRANDS" adlı masterklass-seminarına həsr olunmuş tədbir dekabrın 1-də Heydər Əliyev Mərkəzində baş tutacaq.
Tədbirdə ilk dəfə olaraq italyan keyfiyyəti və dizaynını təbliğ edən italyan şirkətləri şəbəkəsinin rəsmi təqdimat mərasimi təşkil olunacaq.