Bakı. 30 noyabr. REPORT.AZ/ Azərbaycanda şəxsiyyət vəsiqələrinin verilməsinin yeni rüsumları dekabrın 1-də qüvvəyə minir. Bu barədə "Report"a Daxili İşlər Nazirliyinin mətbuat xidmətindən məlumat verilib.
Məlumata görə, "Dövlət rüsumu haqqında" qanuna edilən yeni dəyişikliyə əsasən, Azərbaycan vətəndaşlarına şəxsiyyət vəsiqəsi 10 gün müddətində verildikdə və ya dəyişdirildikdə dövlət büdcəsinə 5 manat, 3 iş günü müddətində verildikdə və ya dəyişdirildikdə 25 manat, 1 iş günü müddətində verildikdə və ya dəyişdirildikdə isə 35 manat məbləğində rüsum ödənilir.