Bakı, 5 dekabr, AZƏRTAC
AZƏRTAC-ın fotosu Rumıniyada keçirilən «Bucovina Mileniul lll» International Salon of Photographic Art. Beynəlxalq fotomüsabiqəsində Beynəlxalq Fotoqrafiya Sənəti Federasiyasının (FIAP) fəxri lentinə layiq görülüb.
AZƏRTAC-ın müxbiri İlqar Cəfərova “Fotojurnalistika” nominasiyasında qələbə qazandıran fotoşəkil “Təkərlər üzərində yürüş” adlanır. Bu şəkil 2008-ci ilin sentyabrında Pekində keçirilən Paralimpiya Oyunlarında çəkilib.
Qeyd edək ki, bütün fotomüsabiqə iştirakçılarından yalnız doqquz fotojurnalist bu nominasiyada FIAP-ın fəxri mükafatlarına layiq görülüb. FIAP-ın hamiliyi ilə keçirilən fotomüsabiqəyə 49 ölkədən 334 fotoqrafın 2200 işi təqdim olunub. Müsabiqə “Sərbəst mövzu” və “Fotojurnalistika” nominasiyalarında elan edilib.
