Bakı, 12 dekabr, AZƏRTAC
Qlobal istiləşmə ilə mübarizə barədə son saziş layihəsi BMT-nin Parisdə keçirilən COP-21 iqlim konfransının iştirakçıları tərəfindən dünən axşam razılaşdırılıb.
AZƏRTAC Euronews telekanalına istinadla xəbər verir ki, razılaşdırılmış sənəd konfransa sədrlik edən Fransanın xarici işlər naziri Loran Fabius tərəfindən 195 ölkədən olan bütün nümayəndələrə təqdim olunacaq.
Xatırladaq ki, planetimizdə orta temperaturun yüksəlməsinə imkan verilməməsi, atmosferə atılan zərərli tullantıların həcminin azaldılması və bərpa olunan enerji mənbələrinə keçid konfransın əsas məqsədidir.
