Bakı, 29 dekabr, AZƏRTAC
“Sumqayıt” futbol klubu Azərbaycan yığmasının hücumçusu Vaqif Cavadovu heyətinə cəlb edir.
AZƏRTAC xəbər verir ki, komandanın baş məşqçisi Samir Abasov hazırda forvardla danışıq aparıldığını gizlətməyib. Bildirilib ki, V.Cavadovla ilkin razılıq əldə olunub və onunla altı aylıq müqavilənin imzalanması nəzərdə tutulur.
Qeyd edək ki, son olaraq “Qəbələ”də forma geyən V.Cavadov qış fasiləsinə çıxan kimi sözügedən klubdan da ayrılıb.
