Burak Yılmaz və Uesli Sneyder zədəli olmasından dolayı çətinlik çəkən Türkiyənin "Qalatasaray" futbol klubu daha bir şansızlıq yaşayıb.
ANS PRESS-in məlumatına görə, komandanın almaniyalı ulduzu Lukas Podolski də zədələnib. Beləki, sağ ayağından zədə alan futbolçu müalicə almaq üçün Almaniyaya gedib.
Onun nə vaxt Türkiyəyə qayıdacağı Almaniyada həkim müayinəsindən keçdikdən sonra bəlli olacaq.
Lukas Podolski
Podolski "Kayserispor"la keçirilən oyunun 55-ci dəqiqəsində zədələnəndən sonra yerinə meydana Sinan Gümüş çıxıb.
Uesli Sneyder - yarımmüdafiəçi
3 güclü oyunçusunu itirən "Qalatasaray" klubunun baş məşqçisi Mustafa Denizlinin işi çətinləşib. Belə ki, Burak Yılmaz hələ ki məşqlərə qatıla bilmir. Sneyderin isə zədəsindəki şişkinlik keçmədiyindən müalicəyə başlanılmayıb.
Burak Yılmaz - hücumçu
