Rəqqasəsi Fatimə Fətəliyeva Amerikadan qayıdıb.
Axşam.az-ın məlumatına görə, sənətçi bildirib ki, Amerikada konsert proqramında çıxış edib və mükafatlar qazanıb:
“Bu günə qədər dünyanın müxtəlif ölkələrində Azərbaycan milli rəqsini layiqli şəkildə təqdim etmişəm. Bunun üçün də hər zaman qürur duymuşam. Müxtəlif ölkələrdə olsam da bu mənim Amerikaya ilk səfərim idi. Bizi orada çox gözəl qarşıladılar. Amerikada özümə yeni dostlar qazandım. Konsertə gəlincə isə hər şey çox gözəl və peşəkar şəkildə təşkil edilmişdi. Həmin konsertdə “Sarı gəlin”lə yanaşı, daha üç rəqsimi nümayiş etdirdim. Çıxışım alqışlarla qarşılandı və Novruz bayramında da Amerikada keçirilən tədbirə dəvət aldım. Çıxışım gözəl qarşılandığına görə, mənə mükafatlar da verdilər. Bütün bunlara görə konsertin təşkilatçısı Frida xanıma təşəkkür edirəm. Gecədə sənətçi dostum Rüfət Axundovun da möhtəşəm çıxışı oldu. Onunla birgə yola çıxmaq mənim üçün xoş idid. Amerikada gəzmək üçün az vaxt olsa da gəzə bildik”.
