Sənət aləminin tanınmış simaları dünyanın bir çox yerini gəzsələr də, hələ də olmadıqları ölkələr var.
Axşam.az "Star life"a istinadən tanınmışların getmək istədikləri yerləri təqdim edir. İfaçılar istirahət zamanı başlarına gələn maraqlı hadisələrdən də bəhs edib:
Faiq Ağayev - Dominika adalarına getmək istəyərdim. Ora istidir, kənd üslubunda evdə qalmaq istəyirəm. Bir dəfə adada qalmışam. Gedəndə su dərin deyildi, qayıdanda qalxmışdı. Səs-küy saldım, balıqçılar götürüb, sahilə apardılar. Bir dəfə də üstümə akula hücum etmişdi.
Mirkamil Kamilov - İnşallah, nəsib olsa, Antraktidada olmaq istəyirəm.
Sevda Yahyayeva - Barselona, Fransa, İtaliyada olmaq istəyirəm. Orada insanların necə yaşadığını görmək istəyirəm. Bir dəfə Toliklə xaricdə gəzəndə şəkil çəkdirirdim, əsəbləşdi ki, "sənə fotoqraf gəlmişəm?" Sonra başladım kənardakılardan xahiş etməyə ki, məni çəkin. İngilis dilini də bilmədiyim üçün çətinlik çəkirdim.
İlhamə Qasımova - Tailandın bir neçə yerlərində, Bali, Filippinin çimərliklərində olmaq istəyərdim. Amerikanın ştatlarına, Kubaya, Yeni Zelandiyaya getməyi arzulayıram. Berlindən Türkiyəyə uçanda təyyarədə dava etmişəm. Evdən zəng etmişdilər ki, uçursan? Kənarda da deyirlər telefonu söndürün. Yanımda oturan başladı ki, "Tərbiyəsiz, söndür telefonu". Onunla elə dava etdim, dedim: "Sus, yoxsa pis edəcəm".
Ceyhun Əliyev - Yunanıstana getmək istəyərdim. Orada bir başqa qoxu var.
Çingiz Mustafayev - Latın Amerikası ölkələrində və Braziliyada olmaq istəyərdim.
Elçin Cəfərov - Rayonda olan səhər yeməyi, istirahət, gözəl hava, pendir-çörək, yumurta-pomidor heç yerdə yoxdur. Özümü gözləsəm də, günəşdən dərim yanır və soyulur. Hər dəfə bu macəranı yaşayıram.
Milli.Az
