"Report" xəbər verir ki, bu barədə bazar ertəsi "Associated Press" məlumat yayıb.
Amerika prezidentinin səfəri Laosun ABŞ tərəfindən 1964-1973-cü illərdə məxfi bombalanmasından on illiklər sonra baş tutub. Həmin vaxt ölkəyə 2 milyondan çox bomba atılıb. Bununla belə, onların 30 faizi partlamayıb və bu gün də yerli sakinlərin ölümünə səbəb olmaqdadır.
Gözlənilir ki, Obama ABŞ-ın ölkə ərazilərinin partlamamış bombalardan təmizlənməsi üzrə proqramını açıqlayacaq, həmçinin ikitərəfli iqtisadi münasibətlərin qurulmasını müzakirə edəcək.
