Bakının "Karmen"i dəvət edir

Bakının "Karmen"i dəvət edir
14:27 18 Oktyabr 2016
Ölkə mətbuatı
A- A+

Oktyabrın 26-da Azərbaycan Dövlət Akademik Opera və Balet Teatrında xalq artisti Fidan Hacıyevanın iştirakı ilə Jorj Bizenin "Karmen" operasının tamaşası keçiriləcəkdir.

Milli.Az xəbər verir ki, Fidan Hacıyeva artıq 20 ildir ki, Opera və Balet Teatrının solistidir. Bu teatrın səhnəsində bir çox tamaşalarda əsas partiyalarda (Gülçöhrə, Asya ("Arşın mal alan" ), Gülüş ("Sevil"), Azuçena ("Trubadur"), Amneris ("Aida), Rozina ("Sevilya bərbəri") və s. oynayıb. Lakin "Karmen" operasının eyni adlı qəhrəmanının F.Hacıyevanın yaradıcılığında xüsusi yeri vardır. Təsadüfi deyildir ki, çox zaman onu "səhnəmizin Karmeni" adlandırırlar.

Operada digər əsas partiyaları əməkdar artistlər Fərid Əliyev (Xoze), Cahangir Qurbanov (Eskamilyo, ilk dəfə), İnarə Babayeva (Mikaela) və b. ifa edəcəklər.

Tamaşanın dirijoru xalq artisti, professor Cavanşir Cəfərovdur.

Milli.Az

RƏYLƏR

BU KATEQORİYADAN DİGƏR XƏBƏRLƏR