DÇ-2018-in seçmə mərhələsində millimizlə eyni qrupda yer alan Almaniya yığmasında baş məşqçiylə müqavilə yenilənib.
Publika.az xəbər verir ki, Almaniya Futbol İttifaqı Bundestimin çalışdırıcısı Yoahim Lövlə anlaşmanın müddətini 2020-ci ilədək artırıb. Lövün əvvəlki müqaviləsi 2018-ci ilədək nəzərdə tutulmuşdu.
2006-cı ildən Almaniya millisini çalışdıran 56 yaşlı mütəxəssisin ən böyük uğuru 2014-cü ildə komandaya dünya çempionluğunu qazandırmasıdır. Həmin il o, FİFA tərəfindən ilin ən yaxşı baş məşqçisi seçilmişdi.
Qeyd edək ki, DÇ-2018-in seçmə mərhələsində millimizlə eyni qrupda mübarizə aparan Almaniya 3 turdan sonra C qrupuna başçılıq edir. Dünya çempionlarından 2 xal geri qalan yığmamız isə 2-ci pillədədir.
Pərviz Hikmət