Saakaşviliyə gələn vəhy, Putinin Qarabağ planının SİRRİ... – GÜNÜN SİYASİ XÜLASƏSİ
Paylaş
534 baxış·6 dəq oxu
Heç şübhəsiz ki, bu gün dünyanın gündəmində olan bir
nömrəli mövzu ABŞ-dakı prezident seçkiləridir. Erməni KİV-i
Moskvanın “Kazan düsturu” planının sirrini açıqlayıb. Gündəmin əsas
mövzularından biri də Ukraynanın Odessa vilayətinin qubernatoru
Mixail Saakaşvilinin istefasıdır. Monteneqronun baş naziri Milo
Cukanoviç edilən sui-qəsd cəhdlə bağlı Rusiyaya qarşı ciddi
ittihamlar səslənir.
Rusiyanın Dağlıq Qarabağ münaqişəsinin həlli ilə
bağlı təklif etdiyi “Kazan düsturu” planının sirri ortaya
çıxıb. Ermənistanın “lragir” saytı Moskvanın
münaqişəni həll edərək bölgə ölkələrinin dəmir yolları şəbəkəsini
birləşdirməyi planlaşdırdığını yazıb.
“Ermənistanda dəmiryolları şəbəkəsinə nəzarət Rusiyaya verilib.
Rusiya Ermənistan, Türkiyə və Azərbaycanda da daxil olmaqla
bölgənin dəmiryolları şəbəkəsini birləşdirməyi düşünür. Ehtimal ki,
Moskva “Kazan düsturu” ilə Qarabağ münaqişəsini həll edərək, bunu
reallaşdırmaq istəyib. Yəni, münaqişə həll olunmalı, Türkiyə və
Azərbaycanla Ermənistanın münasibətləri düzəlməli, bundan sonra
lazımı addımlar atılmalıdır. Rusiya xarici işlər naziri Sergey
Lavrov da oktyabrın 14-də İrəvanda bildirdi ki, Türkiyə ilə
sərhədlərin açılması Dağlıq Qarabağ münaqişəsinin həllindən keçir”,
- deyə sayt yazıb.
Qeyd edək ki, “Kazan düsturu” 2010-cu ildə həmin vaxt Rusiyanın
prezidenti olan Dmitri Medvedyevin təşəbbüsü ilə keçirilən
prezidentlərin Kazan görüşündən sonra gündəmə gəlib. Bu plana görə,
Qarabağ ətrafı rayonlar Azərbaycana qaytarılır, qaçqınlar qayıdır,
daha sonra Dağlıq Qarabağın müvəqqəti statusu müəyyən olunur.
Bölgəyə sülhməramlılar yerləşdirilir. Ən sonda Qarabağın yekun
statusu məsələsi həll olunur.
ABŞ prezidentini seçir: Klinton favorit, Tramp
sürpriz
Bu gün dünyanın ən güclü dövləti – ABŞ-ı ən azından dörd
il idarə edəcək yeni şəxsin kimliyinə aydınlıq gələcək.
Lakindemokratların namizədi Hillari Klinton həm anketlərdə, həm də
bukmeker kontorlarında rəqibi respublikaçı Donald Trampdan
öndədir.
ABŞ prezidentini seçir: Klinton favorit, Tramp sürpriz
Bu gün dünyanın ən güclü dövləti – ABŞ-ı ən azından dörd il idarə edəcək yeni şəxsin kimliyinə aydınlıq gələcək.
Respublikaçılar Partiyasından ABŞ prezidentliyinə
namizəd Donald Tramp Nyu-Hempşir ştatının üç şəhərində keçirilən
seçkilərin nəticəsinə görə liderlik edir. Tramp
Diksvill Notç, Harts-Lokeyşen və Milsfildən 32 səs toplayıb.
Demokratların namizədi Hillari Klinton 25 səs qazanıb.
Nyu-Hempşir ştatını demokratların “təhlükəsizlik divarı”
adlandırırlar. Onlar son altı prezident seçkisinin beşində ştatda
qalib gəlib. Tək istisna respublikaçı Corc Buş təşkil edib. O,
2000-ci ildə ştatda qalib gəlib.
Vəhy, yoxsa təcrübə? - Saakaşvilinin “batan gəmi”dən
tullanmasının SƏBƏBLƏRİ
Ukraynanın Odessa vilayətinin qubernatoru Mixail
Saakaşvili dünən istefa verdi. O, keçirdiyi mətbuat konfransında
bildirdi ki, onu Ukraynada olduğu kimi heç vaxt
aldatmayıblar.
Saakaşvili prezident Pyotr Poroşenkoya hücum edərək “mübarizənin
yeni mərhələsi”nə söz verdi.
Gürcüstanın keçmiş prezidentinin istefası ilə bağlı müxtəlif
səbəblər göstərilir. Səbəblərdən biri kimi oktyabrın əvvəlində
Gürcüstanda keçirilən parlament seçkiləri göstərilir. Belə ki, əgər
Saakaşvilinin partiyası – “Vahid Milli Hərəkat” seçkiləri udsaydı,
o, vətənə qayıtmağa ümid edə bilərdi. Amma bu baş vermədi.
Saakaşvilinin partiyasi yalnız uduzmadı, həm də partiyada
parçalanma baş verdi. Partiyadakı qruplardan biri bildirdi ki,
partiya lideri başqa ölkədə vəzifə tutan və başqa ölkənin vətəndaşı
olmamalıdır. Qeyd edək ki, Saakaşvili 2015-ci ilin mayında Ukrayna
vətəndaşlığı alıb.
“Saakaşvili qubernator vəzifəsindən istefa edərək partiya
daxilində öz şəxsi statusunu saxlamaq istəyir. Gürcüstanda
müxalifətin formal lideri olmaq onun üçün daha əhəmiyyətlidir”, –
gürcü politoloqu Vaxtanq Maisaya hesab edir.
Daha bir səbəb Saakaşvilinin tərəfdarları - “islahatçıların
gürcü komandası”nın Ukrayna hakimiyyətindən tədricən gedişi
göstərilir. Son olaraq Odessa vilayətinin polis rəisi Georgi
Lordkipanidze istefa verdi. Ona qarşı korrupsiya ittihamları
səslənirdi. Nəticədə, qubernator təsirini itirirdi. Maisaya hesab
edir ki, vəzifə Saakaşvili üçün tədricən mənasını itirirdi.
Üçüncü səbəb isə Rusiyanın “lenta.ru” saytı tərəfindən irəli
sürülüb.
Vəhy, yoxsa təcrübə? - Saakaşvilinin “batan gəmi”dən tullanmasının SƏBƏBLƏRİ
Ukraynanın Odessa vilayətinin qubernatoru Mixail Saakaşvili dünən istefa verdi. O, keçirdiyi mətbuat konfransında bildirdi ki, onu Ukraynada olduğu kimi heç vaxt aldatmayıblar.
Ukrayna prezidenti Pyotr Poroşenko Odessa
vilayətinin qubernatoru Mixail Saakaşvilinin istefa qərarını şərh
edib.Prezident istefa və müxalifətə keçid haqqında
Saakaşvilinin qərarının demokratik dövlətdə reallaşdırıla
biləcəyini deyib.
“Biz demokratik dövlətik və o, müxalifət cəbhəsində siyasi
kampaniyaya başlamağa qərar verib. Ümid edirəm ki, əgər Saakaşvili
siyasi fəaliyyətlə məşğul olmağa qərar veribsə, sabah hökumət onun
istefa haqqında qərarını dəstəkləyəcək”, - deyə Poroşenko Sloveniya
prezidenti Borut Pahor ilə danışıqlardan sonra deyib.
Mixail Saakaşvilinin vəzifəsindən çıxardılması
haqqında fərman çərşənbə günü Pyotr Poroşenko tərəfindən
imzalanması üçün hazır olacaq.Buhaqda prezident
administrasiyasındakı mənbələrə istinadən “Qromadsk TV”nin saytı
bildirib.
Saytın yazdığına görə, qubernator öz öhdəliklərini yerinə
yetirmədiyi üçün onun istefası hələ yayda hazırlanırdı. Lakin onun
vəzifəsindən uzaqlaşdırılması təxirə salınıb.
Ankara NATO-ya arxa çevirdi:
Putinlə-Ərdoğan...
Həm Türkiyənin, həm də Rusiyanın Qərblər
münasibətlərinin pisləşdiyi bir dövrdə Ankara-Moskva xəttində
yaxınlaşma davam edir.
Türkiyə Müdafiə Nazirliyinin müdafiə sənayesi məsələləri üzrə
katibi İsmayıl Dəmirin sözlərinə görə, Ankara bütün əlaqədar
ölkələrlə, həmçinin Rusiya ilə raket əleyhinə müdafiə sisteminin
milli layihəsinin yaradılması üzrə mümkün əməkdaşlığı müzakirə
etməyə hazırdır.
“Türkiyə Rusiya da daxil olmaqla bütün tərəflərlə raket əleyhinə
müdafiə sisteminin milli layihəsinin yaradılması üzrə müzakirələr
aparmaq niyyətindədir”, - deyə o, Ankarada keçirdiyi mətbuat
konfransında deyib.
“İnterfaks” xəbər agentliyinə danışan Rusiyanın Federal Hərbi və
Texniki Əməkdaşlıq Dairəsinin başçısı Aleksandr Fomin isə bildirib
ki, Moskva və Ankara ilin sonuna kimi hərbi-texniki əməkdaşlıq
mövzusunda hökümətlərarası komissiya yaradacaq. O, komissiyanın
gündəm mövzusunun raket əleyhinə müdafiə sistemi olacağını
deyib.
Daha əvvəl Türkiyə prezidentinin mətbuat katibi İbrahim Kalın
bildirib ki, Rusiya və Türkiyə raket əleyhinə müdafiə sisteminin
milli layihəsinin yaradılması üzrə mümkün əməkdaşlığının
detallarını işləyəcək. Bu məsələ oktyabrın 10-da Vladimir Putin və
Rəcəb Tayyib Ərdoğanın İstanbuldakı görüşündə müzakirə edilib.
Türkiyədə raket əleyhinə milli sistem üçün komponentlərin
alınması tenderi 2009-cu ildə elan edilib. Tenderin dəyəri 4
milyard dollar müəyyən edilmişdi. 2013-cü ilin sentyabrında 3,4
milyard dollar qiymət təklif edən Çinin CPMIEC şirkəti qalib elan
edilib. Çin şirkətindən başqa, öz təkliflərini Amerikanın “Raytheon
& Lockheed Martin” konsorsiumu, Rusiyanın “Rosoboroneksport” və
“Eurocam” (Fransa-İtaliya konserni) irəli sürüblər.
Ancaq tərəflər layihədə Türkiyənin iştirakının dərəcəsi ilə
bağlı son razılığa gələ bilməyib. Bundan başqa, Çinin qələbəsi
Türkiyənin NATO üzrə müttəfiqləri tərəfindən narazılıqla
qarşılandı. Nəticədə, 2015-ci ilin noyabrında Türkiyə tenderi
rəsmən ləğv edib.
Oktyabrın 16-da Monteneqronun baş naziri Milo
Cukanoviç edilən sui-qəsd cəhdi ilə bağlı qalmaqal
böyüyür.
Sui-qəsd cəhdini araşdırmaq üçün təyin olunan xüsusi prokuror
Milivoe Katniç baş nazirin ölüm fərmanının rus millətçiləri
tərəfindən verildiyini deyib: “Rus millətçiləri cinayətkar qrup
yaradıblar. Məqsəd 16 oktyabrda baş nazirə sui-qəsd etmək
olub”.
Keçirilən əməliyyat nəticəsində 50-ə qədər şəxs saxlanılıb.
Saxlanılanların arasında Monteneqro və Serbiya vətəndaşları ilə
yanaşı, Rusiya vətəndaşlarının da olması nəzərləri Kremlə doğru
yönəltdi. Monteneqro hökuməti də bəyan etdi ki, baş naziri rus
millətçiləri öldürmək istəyib. Doğrudur, sonradan Kreml bunu təkzib
etdi. Monteneqro hökuməti də Rusiya ilə münasibətlərin yaxşı
olduğunu, Moskvadan şübhələnmədiklərini bildirdi. Lakin burada
məsələ Moskva yox, rus amilidir. Yəni baş nazirin ölüm fərmanında
Rusiya izi var, amma bunun Rusiya dövlətinin olduğunu demək hələlik
tezdir.
