İlin sonunadək 60 min miqrant Almaniyanı könüllü olaraq tərk etməlidir.
Milli.Az axar.az-a istinadən xəbər verir ki, bunu Almaniya kansleri Angela Merkel Xristian Demokratik İttifaqı Partiyasının regional toplantısında açıqlayıb. Onun sözlərinə görə, ümumilikdə ölkədə qalmaq hüququ almayan 100 min miqrant Almaniyanı tərk etməli olacaq:
"Onlardan üçdə biri zorla deportasiya ediləcək, 60 min isə müxtəlif humanitar proqramlar çərçivəsində vətənlərinə geri göndəriləcək".
Merkel xüsusən Əfqanıstandan gələn qaçqınları qeyd edərək, bütün əfqan oğlan və qızların Almaniyaya köçməsinin qeyri-mümkün olduğunu bildirib.
Milli.Az
