“Heç vaxt plastik əməliyyat etdirməmişəm. Etdirənlərə pis baxmıram, amma özüm qorxuram”.

Axşam.az-ın məlumatına görə, bu sözləri müğənni Aynur Dadaşova “Tezdən oyan” verilişində deyib.

8 ildən sonra efirə qayıdan ifaçı heç bir plastik müdaxilə etdirmədiyini bildirib:

“37 yaşım var. Xanımın baxımlı olmasını xoşlayıram. 45 yaşımdan sonra yəqin mən də estetik müdaxilə etdirəcəyəm. Narkoz qəbul etməkdən, əməliyyatdan sonra özümə necə baxacağımdan qorxuram”.

Hər zaman uzun saçla dolaşan A.Dadaşova onları 50 yaşından sonra kəsdirəcəyini söyləyib:

“Saçlarım tez uzanır, xeyli kəsdirmişəm. Son günlər saç tökülmə problemim var. Deyirəm, 50 yaşdan sonra saçlarımı kəsdirəcəm. Düşünürəm ki, tamaşaçı səni necə tanıyırsa, elə qalmalısan. Tez-tez dəyişmək lazım deyil”.