Adəmlə Həvvanın sevgi söhbəti və ölərkən bizi qarşılayacaq varlıqlar - İNANMAYACAQSINIZ

Kommunal ödənişlər artdıqdan sonra oxucularımızda da ruh düşkünlüyü yaranmışdı. Artıq heç kim nə Məleykə Əsədovanı, nə də Aygün Kazımovanı düşünmürdü. Hamını bir sual maraqlandırırdı: Vəziyyətdən necə çıxaq. Uzun araşdırmalardan, gərgin iş rejimindən sonra nəhayət ki, tapdıq. İşıq pulunu ödəmək istəmək istəmirsinizsə...

İşıq pulu ödəmək istəmirsinizsə, BUNU EDİN! - FOTO

İşıq pulundan xilas olmaq istəyirsinizsə, mütləq oxuyun!

Bu yazını oxuyun və işıq pulu yığanların qapınızı döyməsinin, sizi bezdirməsinin qarşısını alın.

Bu araşdırma hazırlanandan sonra oxucularımız da rahatlandı. Və yavaş-yavaş hər kəs Məleykə Əsədovaya qayıtdı.

49 yaşlı Xalq artistinin elə görüntüsü yayıldı ki... - FOTO

49 yaşlı Xalq artistinin elə fotosu yayıldı ki...

50 yaşına bir il qalmış Məleykə elə bir fotosunu yayıb ki... Heç demərsən ki, bir ildən sonra bu Xalq artisti ömrünün yarısını başa vuracaq. Amma heç kim nə vaxt öləcəyini bilmədiyi üçün Xalq artistinin yaşının neçə olduğu çox da vacib deyil.

Bu gün vacib olan problemlərdən necə qurtulmaqdır. Bunun yolları haqqında çox düşünülsə də, heç kim konrket nəsə deyə bilmir. Mən də borclarımı ödəməyin yolları haqqında çox düşünürdüm, amma ölən insanın başına gələnlər haqqında xəbəri oxuyandan sonra tapdım.

Ölüm zamanı və öldükdən sonra İNSANIN BAŞINA GƏLƏNLƏR - DƏHŞƏT

Ölüm zamanı və öldükdən sonra İNSANIN BAŞINA GƏLƏNLƏR?

O biri dünyanı görüb qayıdan insanlar danışırlar ki, məşhur tunelin sonuna yaxınlaşarkən, bir varlıqla qarşılaşırlar və böyük sevinc hissinə qapılırlar. Yer üzündəki problemləri, maddi çətinliyi, hətta borcları belə unudur, sanki heç nə olmamış kimi işığa doğru gedirlər. Mən banka olan borclarımı necə ödəməyin yolunu artıq tapmışam. Bu yazını oxuyandan sonra mənə haqq qazandıracaqsınız...

Tunelin sonundakı işığı görmək fikri elə-belə yaranmayıb. Bu gün qarşıma çıxan bir xəbərdə 2017-ci ildə bürclərə görə ən dəqiq proqnozlar qeyd olunur və Xoruz ilində kimlərin bəxtinin gətirəcəyi açıq şəkildə göstərilir. Öz adımı çox axtarsam da, bəxti gətirənlərin sırasında tapa bilmədim.

Bürclərə görə 2017-ci ilin ən dəqiq proqnozu: Xoruz ilində kimin bəxti gətirəcək?

Bu il bizə nə gətirəcək?

Mənim kədərim Adəm babamızın da dərdindən böyükdür.

Deməli, bir gün Adəmlə Həvva cənnətdə gəzirlər. Həvva soruşur:

- Əzizim, sən məni həqiqətən sevirsən?

Adəm kədərlə cavab verir:

- Başqa biri var ki?!

Adəm babamızın sevgisinə and olsun ki, mən bu xanımları heç başa düşmürəm. Yəqin ki, kartofun ikinci çörək olduğunu hamımız bilirik. Xüsusilə istənilən formada, istənilən yeməkdə istifadə oluna biləcəyi, yaxud heç nə olmasa belə suda qaynadaraq yeyə biləcəyimiz üçün bu dünyada kartof əvəzolunmaz nemətdir. Onsuz da son zamanlar çoxumuz kartofun nə olduğunu daha yaxşı bilirik, hətta süfrələrimizin əsas menyusunda üç yemək varsa, onlardan ikisi kartofdur. Biri də yəqin ki, çörək olar. Bunları deməkdə məqsədim odur ki, kişilər kartofu tapmaq üçün bütün günü işləyirlər, xanımlar isə ondan üzlərinə “maska” düzəldirlər.

Reseptə görə, xanımlar çiy kartof dilimini yatmazdan öncə üzə sürtəndə nəsə olurmuş.

Çiy kartof dilimini hər gecə üzünüzə sürtsəniz...

Yaşla və ya səhhətinizdəki müxtəlif problemlər nəticəsində üzdə qara ləkələr və piqmentlər yarana bilər.

Nə olduğunu yəqin ki, xanımlar yaxşı bilər. Bircə onu bilirəm ki, son vaxtlar kartof satışı çox sürətlənib. O gün həmişə meyvə-tərəvəz aldığım satıcı dayı şikayətlənir ki, kartof qıtlığı yaranıb. Sonra da deyirlər ki, bahalığı yaradan kimlərdir. İndi məlum olur ki, bazarda bahalığın yaranmasının əsas səbəbkarlarından biri də xanımlar imiş.

Nəriman