x
Loading...

Sarkisyanın qadınları, Ərdoğana sui-qəsd mesajı... – GÜNÜN SİYASİ XÜLASƏSİ

Sarkisyanın qadınları, Ərdoğana sui-qəsd mesajı... – GÜNÜN SİYASİ XÜLASƏSİ
20:03 21 Dekabr 2016
354 Ölkə
Ölkə mətbuatı
A- A+
.

Rusiyanın Türkiyədəki səfiri Andrey Karlovun qətlə yetirilməsi gündəmdə yerini hələ də qoruyub saxlayır. Suriyada çoxdan gözlənilən baş verdi: Türkiyə ordusu və Azad Suriya Ordusunun qüvvələri İŞİD-in nəzarətindəki Əl Bab mahalına girib. İran prezidenti bu gün Ermənistana səfər edib. Ukraynada vəziyyət yenidən gərginləşib. Donbasdan çoxsaylı ölüm xəbərləri gəlir.

“Qadınlar da döyüşəcək” - Sarkisyandan Qarabağda müharibə mesajı

Ermənistanın müdafiə naziri Viqen Sarkisyan Rusiyanın “lenta.ru” saytına müsahibə verib. Onun sözlərinə görə, Azərbaycanla silahlı konfliktin yenilənməsi mümkündür”.
Naziri deyib ki, münaqişənin mümkün eskalasiyası Ermənistan üçün əlverişsizdir: “Müharibənin yenilənməsi Cənubi Qafqaz üçün ciddi təhlükə yaradacaq”.
V. Sarkisyan dolayısı ilə etiraf edib ki, Ermənistan əhalisinin mənəvi-psixoloji vəziyyəti çox aşağı səviyyədədir.
“Millətin mənəvi-psixoloji sabitliyinin möhkəmləndirilməsi haqqında söhbət gedir. Ordu gənclərin vətənpərvərliyə köklənməsi üçün məktəb ola bilər. Biz, qadınlar üçün də könüllü hərbi xidmət imkanlarını genişləndirmək üzərində işləyirik”, - deyə o bildirib.

Bu gün İran Prezidenti Həsən Ruhani Ermənistana səfər edib. Ermənistan prezidenti Serj Sarkisyan “Zvartnos” hava limanında Həsən Ruhanini şəxsən qarşılayıb. Səfər Serj Sarkisyanın dəvəti ilə baş tutub.

Həsən Ruhani İrəvanda Dağlıq Qarabağ münaqişəsindən danışıb. İran prezidentiQarabağ münaqişəsinin hərbi yolla həllinin mümkünsüz olduğunu deyib. “Ermənistan və Azərbaycan bizim üçün dost ölkələrdir. Biz ümid edirik ki, regionda sülhün və sabitliyin qurulmasının şahidi olacağıq. Bu, bütün regionun xeyrinədir. Bu münaqişənin hərbi yolla həlli mümkün deyil. Biz problemin sülh yolu ilə həll olunmasını istəyirik”, - deyə Ruhani bildirib.

Azərbaycan Milli Strateji Təhqiqatlar Mərkəzinin sədri, politoloq Natiq Miri İran prezidenti Həsən Ruhaninin Ermənistana səfərinə münasibət bildirib. Onun sözlərinə görə, İran prezidentinin işğalçı Ermənistana səfərinə biganə mövqe ilə yanaşmaq olmaz.

Xəzərdə baş verən faciədə İRAN İZİ - ŞOK AÇIQLAMA

İranın Azərbaycana qarşı təzyiqləri və təhdidləri təkcə bununla bitmir.

“Ceyş əl-Fəth” silahlı koalisiyası Türkiyədə Rusiya səfiri Andrey Karlovun qətlinə görə məsuliyyəti öz üzərinə götürüb. Bu haqda “As-Sumariya” telekanalı bildirib. Təşkilatın bəyanatında deyilir ki, səfirin qətli Hələb üçün qan qisasıdır. Ceyş əl-Fəth” silahlı koalisiyası Suriyada rejim qüvvələrinə qarşı vuruşan qüvvədir.

Xatırladaq ki, Rusiyanın Türkiyədəki səfiri Andrey Karlov dekabrın 19-da Ankarada silahlı hücuma məruz qalıb. Hücum səfirin Ankarada Müasir Sənətlər Mərkəzində keçirilən rəsm sərgisinin açılışında iştirakı zamanı təşkil edilib. Səfir aldığı yaralardan xəstəxanada həyatını itirib.

Rusiya səfiri Andrey Karlovu qətlə yetirən Mevlüt Mert Altıntaşın necə öldürüldüyü ortaya çıxıb. Polis səfiri öldürüləndən 44 dəqiqə sonra müdaxilə edə bilib. Qatil 4 dəfə qıçından vurulub, təslim olmayanda isə öldürülüb.

Karlovu öldürən güllə haradan atılıb? – DÖRD SSENARİ

Türkiyədə Rusiya səfiri Andrey Karlovun qətlə yetirilməsindən sonra bu sui-qəsdin arxasında kimlərin dayandığına dair cavabsız qalan suallar var. “Komsomolkaya pravda” nəşri ekspertlərlə səfirin qətlinə dair 4 versiyanı araşdırıb.

Karlovu öldürən güllə haradan atılıb? – DÖRD SSENARİ

Andrey Karlovun qətlə yetirilməsindən sonra bu sui-qəsdin arxasında kimlərin dayandığına dair cavabsız qalan suallar var.

Lakin səfirin qətlində digər versiyalar istisna edilmir.

Səfirə sui-qəsdin şifrələri: ABŞ, Avropa İttifaqı, yoxsa İran?

Rusiya prezidentinin mətbuat katibi Dmitri Peskov bildirib ki, səfirin qətlinin arxasında kimin dayandığına dair nəticələr çıxarmağa tələsmək lazım deyil. Türkiyənin xarici işlər naziri Mövlud Çavuşoğlunun fikirlərini şərh edən Peskovun sözlərinə görə, birgə istintaq qrupunun fəaliyyətinin nəticələrini gözləmək lazımdır. “Birgə istintaq qrupu dünən Ankarada fəaliyyətə başladı. İndiki halda, əlbəttə ki, hansısa nəticələr çıxarmaq tezdir”, - deyə o bildirib.

Qeyd edək ki, dünən axşam saatlarında Türkiyənin xarici işlər naziri Mövlud Çavuşoğlu ilə ABŞ-ın dövlət katibi Con Kerri arasında telefon söhbəti olub. Kerrinin istəyi ilə baş tutan telefon söhbətində türkiyəli nazir həmkarına Rusiyanın Ankaradakı səfiri Andrey Karlova qarşı sui-qəsdlə əlaqədar məlumat verib. Çavuşoğlu sui-qəsdin arxasında Fəthullahçı Terror Təşkilatının (FETÖ) olduğunu söyləyib. Türkiyə xarici siyasət idarəsinin başçısı həmkarının diqqətinə çatdırıb ki, bunu həm Türkiyə, həm də Rusiya bilir.

Moskva Rusiya səfiri Ankarada qətlə yetirildikdən sonra Moskva Türkiyə ilə vizasız rejimə dair danışıqları dondurub. Rusiyanın “İzvestiya” qəzetinin XİN-dəki mənbələrinə istinadən yaydığı məlumata görə, danışıqlar qeyri-müəyyən vaxtadək təxirə salınıb. Ayrıca Rusiya hökuməti Türkiyədəki vətəndaşlarının təhlükəsizliyini təmin etmək üçün lazımi tədbirlər görəcək.

“Türkiyə hökuməti ölkəyə gələn şəxslərin təhlükəsizliyinin təmin edilməsi istiqamətində ciddi işlər görməkdə davam etməlidir və Rusiyaya səfər etmək niyyətində olanların hamısının əsaslı yoxlanılmasına zəmanət verməlidir”, - deyə mənbə bildirib.

Onun sözlərinə görə, son zamanlar baş vermiş faciəli hadisələr və cari ildə olmuş bir sıra insidentlərə görə Rusiya Türkiyə ilə viza rejimini ləğv etməyə hazır deyil.

Xatırladaq ki, bir neçə ay əvvəl səfir Andrey Karlov Türkiyə vətəndaşları üçün viza rejimini ləğvinə tələsməməyə çağırmışdı. Onun fikrincə, ölkədə təhlükəsizliyin təmin edilməsi üçün bütün tədbirlər görülməmişdi.

ABŞ kəşfiyyatından Ərdoğana: “Səni öldürərik” – ŞOK

Türkiyəli yazar Sabahattin Önkibar Rusiya səfiri Andret Karlovun öldürülməsi ilə bağlı maraqlı iddia ilə çıxış edib.Yazar səfirin qətli haqqında “CİA (ABŞ Mərkəzi Kəşfiyyat İdarəsi) əmr etdi, Fətullah öldürtdü” deyə yazıb.

“CİA Fətullahdan qatilin xüsusilə polis olmasını istəyib. Məqsədi Ərdoğana mesaj verməkdir. CİA bununla Ərdoğana “səni rus səfirin metodu ilə öldürərəm” mesajını verib. Səfiri öldürən polisin Ərdoğanın mühafizə qrupundan olması da diqqət çəkir. CİA bununla Ərdoğana “polis və ordunun içində bunun kimi yüzlərlə insan əlimdədir, istədiyim an səni yox edərəm” demək istəyir”, - deyə yazar bildirib.

S.Önkibar qeyd edib ki, Türkiyə 1923-cü ildən bu günə qədər heç vaxt olmadığı kimi təhlükə ilə üz-üzədir.

Türkiyə ordusu və Azad Suriya Ordusu “Fərat Qalxanı” hərəkatı çərçivəsində kritik bölgə olan Əl Baba girib. Türkiyə Silahlı Qüvvələrindən verilən məlumata görə, hazırda Əl Babda şiddətli döyüşlər gedir.Son məlumatlara görə, döyüşlərdə 4 türk əsgəri şəhid olub, 15-i yaralanıb.

Türkiyə Silahlı Qüvvələrinin əməliyyatı nəticəsində terrorçu İŞİD qruplaşmasının 47 sığınacaq yer və 45 silahlısı məhv edilib. İnformasiyaya görə, Əl Babdakı Akil dağı yaxınlığında şiddətli döyüşlər davam edir.

Ukrayna ordusu hücuma keçdi - MÜHARİBƏ

Luqansk separatçılarının məlumatına görə, Debalsevo istiqamətində gedən döyüşlərdə Ukrayna 50 hərbçisini itirib, 50-dən çox hərbçi yaralanıb. “Bizdə Ukrayna ordusunun 40 hərbçisinin həlak olduğu, 50 nəfərin yaralandığı barədə dəqiq məlumat var. Müstəqil Ukrayna KİV-i 100 nəfərin həlak olduğunu bildirir”, - deyə “LXR”in “xalq milisi”nin nümayəndəsi Andrey Maroçko bildirib.

Onun sözlərinə görə, Ukrayna Müdafiə Nazirliyi 6 hərbçinin həlak olduğunu, 19-nun yaralandığını açıqlayıb.

Donbasda şiddətli döyüşlər: Ukrayna 100 hərbçisini itirdi

Ukrayna ordusu qumbaraatanlar, minaatanlar və ağır atıcı silahlardan atəş açır.

Türkiyə Rusiyanı işğalçı adlandırdı

Birləşmiş Millətlər Təşkilatının (BMT) Ukrayna nümayəndəliyi rəsmi “Twitter” səhifəsində BMT Baş Assambleyasında Ukrayna üzrə qətnaməyə səs vermiş 70 ölkənin adını dərc edib. Siyahıda Türkiyə də var.

Sözügedən qətnamədə Krımın ilhaqına görə Rusiya işğalçı ölkə adlandırılır. Baş Assambleyanın Üçüncü komitəsi ndə noyabrın 16-da Ukrayna üzrə sənədin layihəsi bəyənilib. Son səsvermə ötən həftənin bazar ertəsi olub.

26 ölkə qətnaməyə qarşı çıxıb, 77 ölkə isə bitərəf qalıb.

Qətnaməni, Türkiyədən başqa, ABŞ və Avropa İttıfaqının ölkələri dəstəkləyib.

Obama “qırmızı telefon"la Putini hədələyib

ABŞ prezidenti Barak Obama prezident seçkiləri ərəfəsində rusiyalı həmkarı Vladimir Putinə “qırmızı telefon”la zəng edib. NBC kanalının məlumatına görə, xüsusi kanal üzrə Putinlə əlaqə saxlamağı Obamaya baş məsləhətçilərdən biri məsləhət görüb. Kanalın iddiasına görə, Obama Putinə bildirib ki, Rusiya hakerlərinin köməyi ilə prezident seçkisi kampaniyasına qarışmağa cürət etməsin.

Məlumata görə, ABŞ prezidenti seçki prosesinə müdaxilənin nəticələri haqqında Rusiya prezidentini xəbərdar edib.

NBC qeyd edir ki, Obama telefon söhbətində “silahlı konflikt” ifadəsindən istifadə edib.

Obama “qırmızı telefon"la Putini hədələyib

ABŞ prezidenti seçki prosesinə müdaxilənin nəticələri haqqında Rusiya prezidentini xəbərdar edib.

Ömər Dağlı


Xəbərin orijinal ünvanı: http://publika.az/news/nida/180772.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR