"Boavişta"nın heyətində ilk qolunu vuran Emin Mahmudov fikirlərini bildirib.
Fanat.Az xəbər verir ki, millimizin oyunçusu "Facebook" hesabında komanda yoldaşı Andre Şembri ilə birgə şəklini paylaşıb və verdiyi ötürməyə görə ona təşəkkür edib: "Mən və Şembri. Əla ötürməyə görə təşəkkürlər. İlk qol və qələbə".
Qeyd edək ki, E.Mahmudov Portuqaliya Premyer Liqasının 15-ci turunda "Nasional"la görüşdə (2:0) məhz A.Şembrinin dəqiq ötürməsindən sonra 11-ci dəqiqədə hesabı açıb. O, ilk dəfə bu görüşdə əsas heyətdə meydana daxil olub.
Fanat.Az
