Vaşinqtonun Qarabağ QİSASI, bağlı qapılar arxasında... – HƏFTƏNİN SİYASİ XÜLASƏSİ

İlin son həftəsinin siyasi gündəmi də zəngin oldu. Ermənistan Azərbaycana qarşı təxribatlarını davam etdirir. Türkiyə avqustun 24-də Suriyanın şimalında başladığı “Fərat Qalxanı” hərəkatını davam etdirir. ABŞ prezidenti Barak Obama postundan getməsinə həftələr qalmış ABŞ-Rusiya münasibətlərinin gərginləşməsi üçün əlindən gələn hər şeyi edir. Türkiyə və Rusiya Suriyada atəşkəs razılaşmasına nail oldu. Qara dənizdə Rusiyanın Tu-154 təyyarəsi qəzaya uğradı.

Dekabrın 29-da səhər saatlarında Ermənistan Silahlı Qüvvələrinin kəşfiyyat qrupu Azərbaycan-Ermənistan dövlət sərhədini pozmağa cəhd göstərərkən bölmələrimizin pusqusuna düşüb. Müdafiə Nazirliyinin mətbuat xidmətindən verilən məlumata görə, döyüş toqquşması zamanı düşmən tərəfi canlı qüvvə sarıdan xeyli itki verərək geri çəkilməyə məcbur edilib.

Cəbhədə toqquşma: əsgərimiz itkin düşdü, düşmən xeyli sayda itki verdi

Ermənistan Müdafiə Nazirliyi döyüşdə 3 hərbçi itirdiklərini açıqlayıb.

Dağlıq Qarabağ münaqişəsi zonasında toqquşmalar zaman-zaman yaşanır. Sərhəddə baş verənlər də onlardan biri hesab oluna bilər, lakin diqqət çəkən nüanslar fonunda təxribatın sıradan olmadığını, Azərbaycana qarşı böyük tələ qurulduğunu deməyə əsas verir.

"Putinin NATO-su"nda Azərbaycana qarşı “sərhəd tələsi” - TƏHLİL

İddialarda gizlənən hədələr...

Bu diversiyanın ABŞ-dan planlaşdırıldığı ehtimalları da var. Bunu isə Ermənistan mediasının özü yazır.
“Lragir” saytında yayımlanan “ABŞ Suriyada və Dağlıq Qarabağda Ərdoğanla Putini dayandıra biləcəkmi?” adlı məqalədə bildirilir ki, ABŞ prezidenti Barak Obamanın Rusiyaya qarşı sanksiyaları genişləndirməsinin səbəblərindən biri də Ankara və Moskvanın Suriya və Dağlıq Qarabağ planlarıdır.

ABŞ-dan Ərdoğan və Putinə qarşı QARABAĞ HƏMLƏSİ: MÜHARİBƏYƏ DOĞRU

“ABŞ Suriyada və Dağlıq Qarabağda Ərdoğanla Putini dayandıra biləcəkmi?”

MDB ölkələrinin Kollektiv Təhlükəsizlik Müqaviləsi Təşkilatının (KTMT) baş katibi Nikolay Bordyuja Ermənistanın Ermənistan-Azərbaycan sərhədindəki təxribatını dəstəkləyib. O, Dağlıq Qarabağdakı terrorçu rejimi "Dağlıq Qarabağ Respublikası" adlandırıb.

Rusiyalı generaldan Qarabağla bağlı TƏRBİYƏSİZ AÇIQLAMA

Bədnam status-kvo durumunu qorumaq üçün bütün vasitələrə əl atır.

Azərbaycan Respublikası Xarici İşlər Nazirliyi də Ermənistanın Ermənistan-Azərbaycan dövlət sərhədində törətdiyi növbəti təxribatını və qəsdən vəziyyəti gərginləşdirməyə yönəlmiş əməllərini kəskin şəkildə pisləyib. Nazirlik Ermənistanın müxtəlif vasitələrlə üçüncü qüvvələri Qarabağ konfliktinə cəlb etməyə çalışdığını bildirib.

5 rayon qaytarılır, Qarabağ... – Ter-Petrosyan hirslənib SİRLƏRİ AÇDI

Ermənistanda Dağlıq Qarabağ danışıqlarının detalları ətrafında mübahisə bu həftə gündəm oldu. Ermənistan prezidenti, Erməni Milli Konqresinin lideri Levon Ter-Petrosyan qurultayda çıxışında ərazilərin Azərbaycana qaytarılmasının ən yaxşı variant olduğunu açıqlayıb. Petrosyan onu tənqid edənlərə isə cavab olaraq bildirib ki, onun Dağlıq Qarabağla bağlı dediyi məsələ hazırda prezident Serj Sarkisyanın apardığı danışıqlarda masanın üzərindəki mərhələli həll variantıdır. “Belə çıxır ki, məni xəyanətdə ittiham edənlər əslində özlərini ittiham edirlər”, - deyə o bildirib. Petrosyan danışıqlar masasındakı 6 mərhələli proqramın detallarını açıqlayıb.

5 rayon qaytarılır, Qarabağ... – Ter-Petrosyan hirslənib SİRLƏRİ AÇDI

Məni xəyanətdə ittiham edənlər əslində özlərini ittiham edirlər.

Ermənistan prezident Serj Sarkisyan da Dağlıq Qarabağ danışıqlarının detalları ətrafında gedən mübahisəyə qoşulub.

Qarabağ 6 mərhələdə qaytarılır: Sarkisyan da detallardan DANIŞDI

Nə qədər gec deyil, Ermənistan bu addımı atmalı və münaqişə həll olunmalıdır.

Tezliklə ərazilər azad olunacaq - Sarkisyan bağlı qapılar arxasında nə deyir?

“Hazırda Ermənistanda siyasi dairələrdən tutmuş, ictimai məkanlara qədər hər yerdə ərazilərin Azərbaycana qaytarılacağı haqqında danışırlar. Hələlik konkret heç nə yoxdur. Lakin görünən odur ki, ərazilərin qaytarılması tezliklə baş verəcək”. Bu barədə erməni politoloq İqor Muradyan deyib.

Ermənistanın birinci prezidenti, Erməni Milli Konqresinin lideri Levon Ter-Petrosyanın rayonların qaytarılmasının vacibliyi haqqında fikirlərini şərh edən Muradyan qeyd edib ki, Serj Sarkisyan da sələfi kimi düşünür: “Lakin o, bu haqda bağlı qapılar arxasında danışır. Petrosyanla Sarkisyanın Qarabağ məsələsində fikirləri üst-üstə düşür. Sual yaranır ki, birinci prezident niyə ərazilərin qaytarılmasının tərəfdarıdır və bu fikir ondan sonrakı prezidentlərin fikirlərində niyə əks olunur?”
İ.Muradyan ərazilərin qaytarılmasına heç kimin etiraz etməyəcəyini deyir.

Tezliklə ərazilər azad olunacaq - Sarkisyan bağlı qapılar arxasında nə deyir?

Hazırda Ermənistanda siyasi dairələrdən tutmuş, ictimai məkanlara qədər hər yerdə ərazilərin Azərbaycana qaytarılacağı haqqında danışırlar.

ABŞ Mərkəzi Kəşfiyyat İdarəsinin (CİA) “kölgəsi” hesab olunan “Stratfor” beyin mərkəzinin analitikləri 2017-ci ildə Rusiyanın izləyəcəyi siyasəti təhlil edib. Amerikalı analitiklər Rusiyanın 2017-ci ili səbirsizliklə gözlədiyini hesab edirlər. Mərkəz Rusiyanın Cənubi Qafqazda daha da güclənəcəyini diqqətə çatdırıb.

“İndiyə qədər neytrallığını saxlayan Azərbaycan Rusiya ilə daha çox yaxınlaşacaq, Özbəkistan da eyni siyasi xətti tutacaq. Həmçinin, Belarus da daxil olmaqla, Ermənistan, Qazaxıstan, Qırğızıstan və Tacikistan Rusiya ilə əməkdaşlığı iki qat artıracaqlar. Rusiyanın Avrasiya İqtisadi İttifaqı və Kollektiv Təhlükəsizlik Müqaviləsi blokları daha aktiv fəaliyyət göstərəcəklər”, - deyə “Stratfor” yazır.

Bakının 2017-ci il planı və “rus ssenarisi” – ABŞ KƏŞFİYYATI

Ötən üç il ərzində Rusiya Qərbin təzyiqi ilə üzləşdi və bir çox strategiyasını təxirə saldı.

Dekabrın 26-da Rusiyanın Sanks-Peterburq şəhərində Kollektiv Təhülkəsizlik Müqaviləsi Təşkilatı (KTMT) və Ali Avrasiya İqtisadi Şurasının iclasları keçirlib. Qırğızıstan Avrasiya İqtisadi İttifaqının ticarət siyasətinin inkişafı haqqında bəyanatı və Gömrük kodeksini imzalamayıb. Sammit ittifaqda fikir ayrılığının olmasını açıq şəkildə nümayiş etdirdi. Xüsusilə Belarus prezidenti Aleksdandr Lukaşenkonun sammitə gəlməməsi diqqət çəkdi.

“Rus NATO-su”ndə isə əməlli-başlı problemlər var. Kollektiv Təhlükəsizlik Müqaviləsi Təşkilatının baş katibi gələn ilin aprelində seçiləcək. Baş katibin seçilməməsinə əsas səbəb Belarus prezidenti Aleksandr Lukaşenkonun Sankt-Peterburqa gəlməkdən imtina etməsi olub.

Daha əvvəl rusiyalı politoloq Aleksandr Karavayev bildirmişdi ki, Ermənistan öz nümayəndəsinin KTMT-yə rəhbərlik etməsini istəyirsə, o zaman Dağlıq Qarabağla bağlı söz verməlidir: ““Çünki Ermənistanın KTMT-ni münaqişədə təzyiq meydançası kimi istifadə etmək niyyəti var. Ehtimal ki, baş katib Ermənistan nümayəndəsi olacaqsa, o, KTMT-də daim Dağlıq Qarabağ məsələsini qaldıracaq. Belə təhlükə var.

Putindən Ermənistana “baş katib əvəzinə Qarabağ” şərti

KTMT-nin iclası bu gün axşam saatlarında Sankt-Peterburqda başlayacaq.

Son günlər ardıcıl zərbələr alan Rusiya növbəti itkisini verib. Rusiyanın “Rosneft” şirkətinin sahibi İqor Seçinin sağ qolu Oleq Erovinkin dekabrın 26-da Moskvanın mərkəzində avtomobilində ölü tapılıb.

"Rosneft"in mətbuat xidmətinin rəhbəri Mixail Leontiyev 61 yaşlı Erovinkinin ürək tutmasından öldüyünü bildirib. Rusiya prezidenti Vladimir Putin “qara qutusu” hesab olunan Oleq Erovinkinin ABŞ dövlət katibi postuna namizədliyi irəli sürülən "Exxon Mobil" korporasiyasının başçısı Reks Tillersonla yaxşı əlaqələri var idi. Erovinkinin ölümünün birbaşa Putinə mesaj olduğu və hadisənin arxasında ABŞ Mərkəzi Kəşfiyyat Agentliyinin (CİA) olduğu təxmin edilir.

İrəli sürülən əsas versiya onun məhz qətlə yetirilməsi ilə bağlıdır. Bu, səbəbsiz deyil: Dekabrın 19-da Rusiyanın Türkiyədəki səfiri Andrey Karlov kameralar önündə qətlə yetirildi. Dekabrın 25-də Rusiya Müdafiə Nazirliyinin əməkdaşlarını Suriyaya aparan Tu-154 təyyarəsi müəmmalı şəkildə qəzaya uğrayaraq, Qara dənizə düşdü. Bir gün sonra – 26 dekabrda Oleq Erovinkin avtomobilində ölü tapıldı.

“Rosneft”in mətbuat xidmətinin rəhbəri Mixail Leontiyev 61 yaşlı Erovinkinin ürək tutmasından öldüyünü desə də, dünyanın siyasi mənzərəsi fonunda bir həftə içində yaşanan bu hadisələr heç nəyin təsadüf olmadığı fikrini gücləndirir.

Putinin “sirr küpü”nü kim aradan götürdü? - TƏHLİL

Rusiya prezidenti Vladimir Putinin “qara qutusu” hesab olunan Oleq Erovinkin öldürüldü.

Suriya cəbhəsi

Suriyanın Əl Bab şəhərinin İŞİD terror təşkilatından təmizlənməsi üçün Türkiyə ordusu və Azad Suriya Ordusu tərəfindən aparılan əməliyyatlar davam edir.

Türkiyə Əl Babın İŞİD təmizlənməsi prosesini sürətləndirmək üçün terror təşkilatına son zərbəni vurmağa hazırlaşır. Bunun üçün Kayseri 1-ci Komando Briqadasından 500 komando Əl Baba göndərilib. Ölkənin cənubi-şərqi və şərqində PKK terror təşkilatına qarşı əməliyyat təcrübəsi olan Kayseri 1-ci Komando Briqadası “terrorçu ovçusu” adlanır.

Son məlumatlara görə, Hələbdən çıxarılan Azad Suriya Ordusunun 1400 əsgəri də Əl Baba gəlib.

Rusiya hərbi təyyarələri dünən gecə ilk dəfə olaraq Əl Babda İŞİD hədəflərini vurub. Hərbi mənbələrin məlumatına görə, Rusiya hərbi təyyarələri Türkiyə ordusunun və Azad Suriya Ordusunun hücum etdiyi İŞİD-in Əl Babın mərkəzindəki hədəflərini yox, şəhərin cənubunda terror təşkilatına məxsus hədəfləri bombalayıb.

Türkiyə isə Suriyanın şimalında əməliyyat zonasını genişləndirir. Suriyanın Əl Bab şəhərinin “Fərat Qalxanı” hərəkatı çərçivəsində İŞİD-dən təmizlənməsindən sonra Türkiyə ordusu və Azad Suriya Ordusunun növbəti hədəfi PYD-nin (PKK terror təşkilatının Suriya qolu) nəzarətindəki Münbic olacaq.

Türkiyə mediasının yazdığına görə, ölkə prezidenti Rəcəb Tayyib Ərdoğanın da bir neçə gün əvvəl siqnal verdiyi Münbiç üçün əməliyyat planı hazırlanıb. Hazırlanan plana görə, əməliyyat Əl Babın İŞİD-dən təmizlənməsindən 10 gün sonra başlanacaq.

Ərdoğan siqnal vermişdi – BÖYÜK HÜCUM BAŞLAYIR

Türkiyə prezidenti Münbic əməliyyatı barədə siqnalı üç gün əvvəl verib.

8 min terrorçu Türkiyəyə hücuma hazırlaşır – ABŞ ƏMR VERDİ

Türkiyə və Azad Suriya Ordusunun Əl Babda uğurlu əməliyyat keçirməsi ABŞ-ın narahatlığına səbəb olub. Amerika PKK/PYD-yə silah yardımını sürətləndirib.

Türkiyənin “Yeni Şafak” qəzeti isə PKK/PYD-nin ABŞ-ın dəstəyi ilə Türkiyəyə hücum edəcəyini yazıb. Məlumata görə, PYD Əl Babın qərbindəki Afrin – Tel Rıfat xəttində müharibəyə hazırlıq görür. Bu bölgəyə 8 mindən çox terrorçu, 13 tank, minaatanlar yerləşdirilib. Eyni zamanda, ABŞ Fərat çayının şərqində PYD-yə dəstəyini gücləndirib.

Rusiya və Türkiyə arasında Suriya üzrə aparılan danışıqlar nəhayət ki, nəticə verib. Rusiya prezidenti Vladimir Putin dekabrın 29-da ölkənin xarici işlər və müdafiə nazirləri ilə görüşündə Suriyada atəşin dayandırıldığını və sülh danışıqlarına başlandığını elan edib.

“İndi bizim uzun müddətdir gözlədiyimiz xəbər gəldi. Üç sənəd imzalanıb. Birinci sənəd Suriya ərazisində atəşin dayandırılması haqqında Suriya hökuməti və silahlı müxalifət arasında imzalanıb. İkinci sənəd atəşin dayandırılması rejiminə nəzarət üzrə tədbirlər kompleksini nəzərdə tutur. Üçüncü sənəd Suriya böhranının nizama salınması üzrə sülh danışıqlarının başlanmasına hazırlıq haqqında bəyanatdır”, - deyə Putin bildirib.

Suriyada prezident Bəşər Əsəd tərəfdarları ilə müxalif qruplaşmalar arasında əldə edilmiş atəşkəs razılığı dekabrın 30-u saat 00:00-da qüvvəyə minib.

Rusiya prezidenti görüşdə həmçinin bildirib ki, Suriyada Rusiya hərbi qüvvəsinin azaldılması ilə bağlı Müdafiə Nazirliyinin təklifilə razılaşıb. Dövlət başçısı əlavə edib ki, Rusiya beynəlxalq terrorizmlə mübarizəni davam etdirəcək və bu istiqamətdə Suriyanın qanuni hökumətinə dəstək göstərəcək.

Hazırda əsas müzakirə mövzularından biri də Suriya prezidentin siyasi gələcəyidir. Türkiyənin “A Haber” kanalınının efirində ölkənin xarici işlər naziri Mövlud Çavuşoğlu Suriya prezidenti Bəşər Əsədlə görüşün müzakirə mövzusu olmadığını vurğulayıb: “Biz Astanada Əsədlə masaya oturmayacağıq. Bu, müzakirə mövzusu deyil”.

Suriya prezidenti Bəşər Əsəd növbəti prezident seçkilərində hakimiyyətdən əl çəkə bilər. Bu barədə Rusiya diplomatik qaynaqları məlumat yayıb.

ABŞ-Rusiya münasibətləri

ABŞ prezidenti Barak Obamanın vəzifə müddətinin başa çatmasına həftələr qalmasına baxmayaraq, Rusiyanı sıxışdırmaqdan əl çəkmir. Dekabrın 29-da Barak Obama Rusiya barəsində yeni sanksiyalar haqqında fərmanı imzalayıb. Sanksiyalara məruz qalan təşkilatlar arasında Federal Təhlükəsizlik Xidməti və Rusiyanın Silahlı qüvvələrinin Baş qərargahının Baş kəşfiyyat idarəsi də var. Bundan başqa, ABŞ Rusiyanın 35 diplomatını ölkə ərazisindən çıxarır. Rusiya diplomatlarının ABŞ-ı tərk etməsi üçün 72 saat vaxt verilib. Yüksək vəzifəli Amerika məmuru bildirib ki, Vaşinqtonun bu addımı Rusiya hakimiyyəti tərəfindən amerikalı diplomatların sıxışdırılmasına cavabdır.

Rusiya XİN-in rəsmi nümayəndəsi Mariya Zaxarova bildirib ki, ABŞ-ın tətbiq etdiyi yeni sanksiyalara lazımı cavab veriləcək. Onun sözlərinə görə, Amerika xalqı hazırda beynəlxalq terrorçular və ya düşmən ordusu tərəfindən deyil, öz prezidenti tərəfindən alçaldılıb.

Rusiya XİN rəsmisi: “Amerika xalqı öz prezidenti tərəfindən alçaldılıb”

ABŞ-ın özü-özünə etdiyi pisliyi heç bir düşməni edə bilməzdi.

Rusiya xarici işlər naziri Sergey Lavrov da yeni sanksiyaların cavabsız qalmayacağını deyib. Lavrov ABŞ-dakı seçki prosesinə Rusiyanın müdaxiləsi haqqında Vaşinqtonun bəyanatlarını əsassız adlandırıb. Rusiya Xarici İşlər Nazirliyi Amerika sanksiyalarına cavab olaraq, 35 amerikalı diplomatın ölkədən çıxarılmasını təklif edib.

Lakin Rusiya prezidenti Vladimir Putin bildirib ki, Rusiya Vaşinqtonun hərəkətlərinə cavab olaraq Amerika diplomatlarını göndərməyəcək.

ABŞ-ın yeni seçilmiş prezidenti Donald Tramp Rusiyaya narahat olmamağı məsləhət görür. Tramp artıq sanksiyalarla bağlı kəşfiyyat rəhbərləri ilə görüşəcək.

Donald Trampın ABŞ prezidenti seçilməsi Vaşinqton-Rusiya münasibətlərinin normallaşmasını arzulayanlar üçün böyük ümid verib. Tramp administrasiyasına yaxın Qərbi Avropa diplomatik mənbələrinə istinadən Almaniyanın “Bild” qəzeti yazıb ki, ABŞ-ın keçmiş dövlət katibi Henri Kissincer ölkənin yeni seçilmiş prezidenti ilə Moskva arasındakı münasibətlərinin normallaşması üzrə plan hazırlayacaq və iki ölkə arasında vasitəçi olacaq.

Henri Kissincer faktiki olaraq postsovet məkanını Rusiyanın təsir sahəsi kimi tanıyaraq dünyanın ikiqütblü modelinə qayıtmasını təklif edir.

Postsovet məkanı Putinə verilir, Krım məsələsi “dəfn” edilir ... – YENİ DÜNYA DÜZƏNİ

Siyasətçi hesab edir ki, Rusiya ilə normal münasibətlər Çinin artan hərbi gücü fonunda düzgün addım olacaq .

III Dünya müharibəsinin ssenarisi açıqlandı: Rusiyaya 3 gün kifayət edəcək

“Müharibə partiyası”nın üzvləri isə Rusiya və Qərb, o cümlədən ABŞ arasında hər hansı yaxınlaşma ehtimalını yaxına buraxmaq istəmirlər. Şimali Atlantika İttifaqının (NATO) Avropadakı qoşunlarının baş komandanının keçmiş müavini, britaniyalı general Riçard Şirreff “2017: Rusiya ilə müharibə: Təcili xəbərdarlıq” kitabını dərc edib.

Kitabda Rusiyanın bir neçə gün ərzində Ukrayna və Baltikyanı ölkələri tutacağı bildirilir. Generalın fikrincə, NATO və Rusiya müharibəyə yaxındır. O, kitabında yazır ki, NATO Rusiyanın ildırımsürətli hərəkətlərinə operativ reaksiya verə bilməyəcək və Moskva dünyanı nüvə müharibəsi təhlükəsi qarşısında qoya bilər.

General nüvə müharibəsinin ən yaxın bir il ərzində baş verə biləcəyini deyib.

III Dünya müharibəsinin ssenarisi açıqlandı: Rusiyaya 3 gün kifayət edəcək

Generalın fikrincə, NATO və Rusiya müharibəyə yaxındır.

Dekabrın 25-də Suriyaya uçan Rusiyanın Tu-154 təyyarəsi Soçidən qalxandan az sonra Qara dənizdə qəzaya uğrayır. Hadisə nəticəsində 92 nəfər həlak olub.

Rusiya kəşfiyyatı təyyarə qəzasının dörd əsas versiyasını açıqlayıb. Federal Təhlükəsizlik Xidməti (FTX) Qara dəniz üzərində Tu-154 təyyarəsinin qəzası üzrə dörd əsas versiyanı yoxlayır. Bunlar mühərrikə yad cismlərin düşməsi, keyfiyyətsiz yanacaq, mühərrikin fəaliyyətini dayandırması və pilotların səhvidir. Bildirilib ki, laynerdə terror aktı və ya diversiyanı göstərən əlamətlər və faktlar hazırda qeydə alınmayıb.

Ömər Dağlı