Bakı. 17 yanvar. REPORT.AZ/ Yəməndə iki ildir davam edən silahlı münaqişə nəticəsində ölənlərin sayı 10 min nəfərə, yaralıların sayı isə 40 min nəfərə çatıb.
"Report" "Deutsche Welle"yə istinadən xəbər verir ki, bu barədə bazar ertəsi BMT-nin Humanitar Məsələlərin Əlaqələndirilməsi İdarəsinin nümayəndəsi Ceymi Makqoldrik məlumat verib.
BMT bundan əvvəl 42 min nəfərin öldüyünü, onların 1400 nəfərinin uşaq olduğunu xəbər vermişdi.
Bu rəqəmlər səhiyyə müəssisələri tərəfindən təqdim olunan məlumatlar əsasında müəyyən edilib. Həlak olanların real sayı bundan əhəmiyyətli dərəcədə çox ola bilər.
