Bakı. 3 fevral. REPORT.AZ/ Bakıda yaşayış binasından su sayğacları oğurlanıb.
“Report”un xəbərinə görə, hadisə paytaxtın Nizami rayonu, 8-ci kilometr qəsəbəsi, Elşən Süleymanov küçəsində qeydə alınıb.
Həmin küçədə yeni tikilən binalardan birində bir gecədə 20 mənzilin su sayğacı oğurlanıb.
Faktla bağlı zərərçəkənlər Nizami Rayon Polis İdarəsinin 24-cü Polis Bölməsinə şikayət ediblər. Polis fakt üzrə araşdırma aparır.
