Mobil operatorlar danışıq və mobil internet tariflərinə yenidən nəzər salmalıdırlar.
Milli.Az xəbər verir ki, bu barədə "Multimedia" İnformasiya Sistemləri Texnologiyaları Mərkəzinin direktoru, Azərbaycan İnternet Forumunun (AİF) prezidenti Osman Gündüz bildirib.
Onun sözlərinə görə, mobil operatorların gəlirləri azaldıqca bəziləri yeni üsullara əl atırlar: "Hansısa metodla digər operatorun "yağlı" müştərilərinin siyahısı ələ keçirilir və onlara sərfəli təkliflər göndərilir. Bir operatorda 30 - 50 manat aylıq ödəniş edən müştəriyə digər mobil operator həmin nömrənin daşınması ilə aylıq 15 manat (12 saat danışıq + 5Gb internet + 500 SMS) təklif edir. Belə baxanda pis təklif də deyil.
Yeri gəlmişkən, düşünürəm ki, mobil operatorların danışıq və mobil internet tariflərinə yenidən nəzər salması, xüsusilə də mobil internetin keyfiyyətinə diqqət yetirməsi çox vacibdir".
AİF prezidentinin fikrincə, son dövrlərdə bu sahədə vəziyyət xeyli pisləşib: "Nəqliyyat, rabitə və Yüksək Texnlogiyalar Nazirliyi də bu sahəyə nəzarəti, demək olar ki, xeyli zəiflədib. Operatorların bəkbon provayderlərdən aldığı internetin həcmi ilə özlərinin elan etdiyi müştərilərinin sayına nisbətini müqayisə edəndə keyfiyyət göstəricisinin necə olduğunu asanlıqla müəyyən etmək olur".
Yusif Nəsirli
Milli.Az
Digər maraqlı xəbərlər Milli.Az-ın Facebook səhifəsində
