İftara asan hazırlanan və dadlı badımcan kababı istəyirsiniz?
Metbuat.az badımcanlı saxsı kababın hazırlanma qaydasını təqdim edir:
Tərkibi:
3 ədəd badımcan
Maye yağ
1 çay qaşığı marqarin
1 kq xırda doğranmış quzu əti
1ədəd kiçik doğranmış yerkökü
1 diş döyülmüş sarımsaq
1 ədəd dəfnə yarpağı
2 ədəd cəfəri kökü
1 çay qaşığı kəklikotu
1 ədəd pomidor
Reyhan
Hazırlanması:
Maye yağı qızdırıb badımcanları içərisinə atın. Qızartdıqdan sonra ikiyə ayırın. Marqarini əridin. Ətləri qovurun. Yerkökü suyunu çəkdikdən sonra ocaqdan alın.
Qızardılan badımcanların içərisini ovub qarışığı doldurun. Üzərinə kəklikotu səpin. Pomidorları dilimləyib badımcanların üstünü bağlayın.
Öncədən isidilmiş 200 dərəcəlik sobada 15 dəqiqə bişirin.
Nuş olsun!
Aysel Yaqubqızı / Metbuat.az