Nə qədər kədərli səslənsə də, dünyanı cənginə alan "Xarvi" yaxud “İrma” tropik qasırğaları planetimizdə bugünlərdə baş verən tək problem deyil.
Publika.az bildirir ki, nədənsə beynəlxalq KİV yalnız qərbdə baş verən fəlakətləri işıqlandırırlar. Cənubi Asiya ölkələrində bir neçə həftədir davam edən leysan yağışlarına məhəl qoymadan onu gizlədirlər. Nepalda, Banqladeşdə və Hindistanda güclü daşqınlar artıq 1200 insanın həyatına son qoyub…
Güclü daşqınlar və sürüşmələrə görə, 3 ölkədə minlərlə insan həlak olub və milyonlara insan öz evlərini tərk etmək məcburiyyətində qalıb. BMT-in humanitar məsələlərinin koordinasiyası üzrə idarənin məlumatlarına əsasən, leysan yağışlar on minlərlə evi, o cümlədən məktəb, xəstəxana və fermaları məhv edib. Su basmanın zonalarına artıq yemək və içməli suyun çatdırılmasıyla bağlı problemlər yaranıb, həmçinin meydana gələn mikroblar ciddi epidemiyalar yaradır...
