Daxili İşlər Nazirliyi Biləsuvarda baş vermiş dəhşətli yol qəzası ilə bağlı məlumat yayıb. Lent.az nazirliyin saytına istinadən xəbər verir ki, sentyabrın 20-də saat 7 radələrində Biləsuvar rayonunun Xırmandalı kəndi ərazisində Lənkəran rayon sakinləri Samir Qasımovun və İsfəndiyar Sadıxovun idarə etdikləri “Mercedes” və Bakı şəhər sakini Ədalət Babayevin idarə etdiyi “KamAZ” markalı 3 avtomobil toqquşub. Nəticədə S.Qasımov və sərnişinləri -Lənkəran rayon sakinləri Çingiz Nəsirov, Mahir Əhmədov və Pəri Əhmədova hadisə yerində, İlhamə Kazımova isə xəstəxanada ölüblər.
Baş İstintaq və Təhqiqat İdarəsi tərəfindən araşdırma aparılır.
