Topaz Premyer Liqasında VI turun oyunları davam edir. Fanat.Az xəbər verir ki, bu gün daha iki qarşılaşma baş tutacaq.
Sünün ilk matçında "Səbail" "Kəpəz"i qəbul edəcək. Çempionat başlayandan qələbə üzünə həsrət qalan gəncəlilər nəhayət bu oyunda arzularını həyata keçirmək niyyətindədi. Amma "Səbail" asan yem olmadığını göstərib. Təbii ki, Samir Əliyevin komandasının da bu görüşdə qələbə şansı var. Rəsmi çempionatda ilk dəfə üz-üzə gələcək qarşılaşmanın maraqlı olacağı gözlənilir.
"Zirə" isə doğma meydanda "İnter"lə qarşılaşacaq. Bu görüşdə qələbə qazanacağı təqdirdə "Zirə" yenidən liderliyə qayıdacaq. Ancaq "İnter" də 3-cü pilləni ələ keçirmək üçün rəqibini səfərdə məğlubiyyətə uğratmağa çalışacaq. Komandalar ölkə çempionatlarında ümumilikdə 8 dəfə qarşılaşıblar. Bunlardan 6-da "İnter", 1-də "Zirə" meydandan 3 xalla ayrılıb. Digər 1 oyun heç-heçə nəticələnib. Top fərqi isə bərabərdi - 6:6. Son 4 oyunda eyni – 1:1 hesablı heç-heçə qeydə alınıb. "İnter” 6 matçdı meydanı qolsuz tərk etmir. Komandalardan heç biri indiyədək səfərdə qalib gəlməyib.
Qeyd edək ki, turun ilk oyununda "Qarabağ" "Sumqayıt"ı 4:1 hesabı ilə yenib. Son qarşılamşa sabah "Qəbələ" və "Neftçi" arasında keçiriləcək.
Premyer Liqa
2017/18 mövsümü
I dövrə, VI tur
23 sentyabr
17.30 Səbail - Kəpəz
Hakimlər: Rəhim Həsənov, Zeynal Zeynalov, Cavanşir Yusifov, Rauf Cabbarov.
AFFA nümayəndəsi: Məmmədəli Məmmədov.
Hakim-inspektor: Fazil Mürşüdov.
Bakı. "Dalğa Arena”.
20.00 Zirə - İnter
Hakimlər: İnqilab Məmmədov, Yaşar Abbasov, Nahid Əliyev, Ramil Diniyev.
AFFA nümayəndəsi: Zamiq Hüseynov.
Hakim-inspektor: Əhmədağa Cabbarov.
Bakı. Zirə İdman Kompleksinin stadionu.
1. Qarabağ 5 5 0 0 12-3 15
2. Zirə 5 4 1 0 11-4 13
3. Qəbələ 5 3 1 1 8-5 10
4. İnter 5 2 1 2 6-6 7
5. Sumqayıt 6 2 1 3 6-10 7
6. Səbail 4 1 0 3 3-6 3
7. Neftçi 5 0 1 4 2-7 1
8. Kəpəz 5 0 1 4 3-10 1
Bombardirlər: Mahir Mədətov (Qarabağ) - 5. Vüsal İsgəndərli (Zirə), Riçard Qadze (Zirə) - 3.
Fanat.Az
