Bakı. 25 sentyabr. REPORT.AZ/ Dominikada "Mariya" qasırğası nəticəsində ölənlərin sayı 30 nəfərə çatıb.
"Report" xəbər verir ki, bu barədə bazar günü "Telesur" telekanalı məlumat yayıb.
Bundan əvvəl 15 nəfərin öldüyü bildirilirdi. Ada indiyə qədər, demək olar ki, tamamilə işıqsız qalıb. Dominikanın bir çox rayonlarında su təchizatı pozulub. Qasırğa səbəbindən ölkədə evlərin 90 faizinin damı uçub. Baş nazir Ruzvelt Skerritanın Rozodakı rəsmi iqamətgahına da ziyan dəyib.