Nazir müavini: “Türkmən qazı Azərbaycana İran üzərindən nəql olunmağa davam edəcək”

Nazir müavini: “Türkmən qazı Azərbaycana İran üzərindən nəql olunmağa davam edəcək”
14:37 24 Oktyabr 2017
Ölkə mətbuatı
A- A+

Bakı. 24 oktyabr. REPORT.AZ/ İran Türkmənistan qazının bu ölkə üzərindən svop əməliyyatlarla Türkiyəyə ixrac edilməsinə müsbət baxmır.
“Report” xəbər verir ki, bunu İranın milli qaz şirkətinin direktoru və neft nazirinin müavini Həmid Reza Əraqi bildirib.
Məlum olduğu kimi, hazırda Azərbaycan da İran vasitəsilə türkmən qazı alır.
Neft nazirinin müavini xüsusi vurğulayıb ki, İranın bu qərarı Azərbaycana şamil edilməyəcək və türkmən qazı Azərbaycana İran üzərindən nəql olunmağa davam edəcək.
Qeyd edək ki, Azərbaycan tərəfi SOCAR-ın qaz anbarlarının kommersiya potensialından tam yararlanmaq məqsədi ilə əsasən yay aylarında aşağı qiymətlə xaricdən əlavə qaz həcmlərini alıb, tədarük edir, qiymətlərin daha yüksək olduğu qış mövsümündə isə məhz xaricdən idxal olunmuş həmin qaz həcmlərini ixrac etməklə əlavə gəlir əldə olunur.

Xəbərin orijinal ünvanı: https://report.az/energetika/nazir-muavini-turkmen-qazi-azerbaycana-i-ran-uzerinden-neql-olunmaga-davam-edecek

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR